ДИКТОР: Көкшетауда «Әйел және саяси көшбасшылық мектебі» 4-легінің оқыту бағдарламасы басталды. 7 күндік бағдарлама аясында белсенді нәзік жандылар шешендік шеберлік пен көшбасшылыққа негізделген дағдыларды меңгереді.

РКС: Қазақстанның әйелдер күші альянсы еліміз бойынша әйелдердің саяси көшбасшылығы мектептерінің жұмысын жандандыруда. Осы ретте жыл сайын Ақмола облысының әйелдер күші Альянсы «Әйел және саяси көшбасшылық мектебі» әйелдердің басқару және бәсекеге қабілеттілік дағдыларын дамытуға бағытталған оқыту курсын өткізіп келеді.

СНХ: АНАРГҮЛ МҰХАМЕДРАХИМОВА, ОБЛЫСТЫҚ ӘЙЕЛДЕР КҮШІ АЛЬЯНСЫНЫҢ ТӨРАЙЫМЫ: Альянстың біріншіден, бастапқы миссиясы бар, ол – әлемді өзгертетін әйелдер. Сол миссияның мақсатында біз сол көбінесе қазіргі таңда осы қоғамдағы рөлін көтеру үшін және әйелдердің белсенділігін танытып, осы мектепті бастап жатырмыз. Осы мектепке үлес қосқан және осы мектепке қатысып жатқан қаламыздың іскер әйелдер қауымдастығы, Аналар кеңесінің қауымдастығынан шыққан әйелдер және көпбалалы аналар арасынан көптеген әйелдер шығып жатыр.

РКС:Бүгінде Әйелдер күші Альянсы саяси көшбасшылық мектебін көптеген белсенді қыз-келіншек тәмамдады. Олардың бірқатары қазір басшылық қызметте болса, ал кейбіреуі өз жеке кәсібін ашуда. Солардың қатарында Эльвира Мұқашева да бар. Бес баланың анасы 2023 жылы өңірде алғашқы ірімшік пісіру цехын ашып, қазір өз жеке кәсібін дамытып қана қоймай, түрлі байқауларға қатысып, жергілікті ірімшік өнімдерін халықаралық деңгейде танытып келеді.

СНХ: ЭЛЬВИРА МҰҚАШЕВА КӨПБАЛАЛЫ АНА, КӘСІПКЕР: «Мен Одно село- один проект» финалисті болып табыламын. «Байтақ жер» агротуризм саласы бойынша финалист атандым. Жуырда Ақтау қаласына «Международный конкурс сыроделов» барып, 16 мемлекеттің ішінен 400 экземпляр ішінен мен апарған 6 экземпляр ірімшігімнің 4-еуі орын алды. 1 Золото, 3 серебро, бронза. Школа женского политического лидерства өзімді көрсетуге, бұрын сөйлеуге ұялатынмын. Сол қорқыныштарды жеңуге көмектесті. Басқа да әйелдер өзіне керек бағытын табады деп ойлаймын.

РКС: Әйелдердің саяси көшбасшылық мектебіне қатысуға 10-нан астам нәзік жанды ниет білдірген. Оқыту желтоқсаның 8-не дейін жалғасады. Курс соңында толық тағылымдамадан өткен әйелдер арнайы сертификатқа ие болады.

ЖАНАР МҰҚЫШЕВА, ЖҮРСІН ӨМІРЗАҚ, КӨКШЕ АҚПАРАТ