ДИКТОР: Көкшетауда шинкиокушинкай каратэден чемпионат өтті. Оған Қазақстанның әр өңірінен 200-ден астам спортшы қатысты. Жарыс балалар, жасөспірімдер және ересектер арасында өткізіліп, қатысушылардың жоғары дайындық деңгейін және осы спорт түрінің танымалдылығының артқанын көрсетті.
РКС: Жарысқа Көкшетау, Астана, Қосшы қалаларының, сондай-ақ Қарағанды мен Солтүстік Қазақстан облыстарының спортшылары қатысты. Турнир мықты жауынгерлерді анықтау алаңына айналып, қатысушыларға өз дағдыларын көрсетуге мүмкіндік берді.
СНХ: ЕРНАР ЖӘРКЕШОВ, АҚМОЛА ОБЛЫСЫ ӘКІМІНІҢ ОРЫНБАСАРЫ: Бұл Ақмола облысының әкімдігімен бірлесе ұйымдастырылып отырған шара. Ең басты мақсат балаларды, жасөспірімдерді спортқа баулу. Өзінің денесін шынықтыру және де зорлық зомбылыққа қарсы идеологияны насихаттау. Ең бастысы біздің жетістігіміз, біздің балаларымыз шетелдік, бүкіләлемдік жарыстарда, Жапонияда өткен үлкен чемпионатта мына жақында өткен Грузия мен Тайландта алтын медаль алып, бірінші орындарға ие болған біздің жастарымыз бар. Ол үлкен қуаныш. Көкше еліне және Қазақстан халқына жалпы, сондықтан да біз осындай спортшыларымызды құрметтейміз, бағалаймыз және де осындай балалар арасында, жасөспірімдер арасында осындай идеологияны насихаттаймыз.
РКС: Шара аймақта шинкиокушинкай каратэні танымал етуге ықпал етеді. Турнир ұйымдастырушыларының айтуынша, соңғы жылдары спорттың осы бағытына жастардың қызығушылығы артқан.
СНХ: ҚАЙЫРТАЙ САРМАНОВ, РЕСПУБЛИКАЛЫҚ ШИНКИОКУШИНКАЙ КАРАТЭ ФЕДЕРАЦИЯСЫНЫҢ ВИЦЕ-ПРЕЗИДЕНТІ: Осындай жарыстарда балалардың көріп тұрмын мен нәтижесі өсіп жатыр. Көп жеңістер болып жатыр. Бұл балаларға өте қуанышты спорт. Мен өзім жас кезінде күресте де, бокста да болдым. Бірақ каратэнің философиясы, рухани байлығы өте жақсы. Менің жүрегіме тиген. Содан бері каратэде жүріп, біздің жаттықтырушыларға ақыл беріп отырамын. Балалармен көбірек жұмыс істеп, олардың тәрбиесін көтеріңдер, олар еліміздің ертең мақтанышы болады.
СНХ: ЭКИДЖИ АБДУЛЛАХ ЭМИР, СПОРТШЫ: Мен шамамен жеті жыл бойы каратэмен айналысып жүрмін. Жапонияға халықаралық турнирге қатыстым. Онда бірінші орынды иелендім. Мен негізінен Ақмола облысының чемпионымын. Ата-анама мені қолдағаны және ынталандырғаны үшін алғыс айтқым келеді.
РКС: Жеңімпаздар медальдармен және дипломдармен марапатталды. Турнирге қатысушылар мен қонақтар жаттықтырушыларға, төрешілер мен ұйымдастырушыларға жарысқа дайындық пен өткізудің жоғары деңгейі үшін ерекше алғыстарын білдірді.
ЕВГЕНИЙ ВАРАНКИН, ЭДУАРД ПОГРЕБИЦКИЙ, ПАВЕЛ СОЛОВЬЕВ, АЛМАС СӘДУАҚАСОВ, КӨКШЕ АҚПАРАТ