ДИКТОР: Степногорск қаласындағы мамандандырылған балалар мен жасөспірімдер спорт мектебі болашақ чемпиондардың ұстаханасы. Мұнда қала жастары спорттың 13 түрімен, соның ішінде бокспен де айналысады.
РКС: Спорт мектебінде 1300-ден астам бала спортпен шұғылданып жүр. Оның ішінде бокс секцияларына 110-нан астам бала қатысады. Олар кіші топтарға бөлініп, олармен 3 жаттықтырушы жұмыс істейді. Аптасына 3 жаттығу өтеді. Даниял Сайлауов 10 жаста, жақында ол бокспен айналысуға келді.
СНХ: ДАНИЯЛ САЙЛАУОВ, БАЛҒЫН БОКСШЫ: Мен өзім үшін тұрып, арықтауым үшін әкем мені осы мектепке алып келді. Мұнда біз жүгіреміз, тұлыпты соққылаймыз, ширатып шынықтырамыз.
РКС: Айта кетейік, бұл ғимарат 1973 жылы салынған. Спорт мектебі олимпиадалық спорт түрлерін дамытуға бағытталған.
СНХ: ӘУЕЛБЕК БӘЙКЕНОВ, СТЕПНОГОРСК МАМАНДАНДЫРЫЛҒАН БАЛАЛАР МЕН ЖАСӨСПІРІМДЕР СПОРТ МЕКТЕБІНІҢ ДИРЕКТОРЫ: Бізде барлық олимпиадалық спорт түрлері бар. Бокс, ауыр атлетика, баскетбол, дзюдо, еркін күрес, көркем гимнастика, футбол.
РКС: Спортшыларды 30-дан астам білікті жаттықтырушы жаттықтырады. Тәрбиеленушілері облыстық, республикалық және халықаралық жарыстарда топ жарып жүр.
ЕВГЕНИЙ ВАРАНКИН, ҚАЙЫРБЕК ТӨЛЕГЕНОВ, ЖҮРСИН ӨМІРЗАҚ, ЖАМБЫЛ БАЛТАЕВ, КӨКШЕ АҚПАРАТ.