ДИКТОР: Театр және кино актері, Мәдениет қайраткері, «Ерен еңбегі үшін» медалінің иегері, Шахмет Құсайынов атындағы облыстық қазақ-музыкалық драма театрының негізін қалаушылардың бірі, қазіргі таңда аталған өнер ұжымының басшысы Жарас Қалдаров ердің жасына келді. Мерейтойына орай «Мен деп ойла...» атты шығармашылық кеш болып өтті.
РКС: Жарас Қалдаров Темірбек Жүргенов атындағы мемлекеттік театр және кино институтын тәмамадаған соң алғашқы еңбек жолын Шахмет Құсайынов атындағы облыстық қазақ музыкалық-драма театрында бастады. 30 жылға жуық табан аудармастан осы ұжымда еңбек етіп келеді. Бүгінде білікті басшы. Шығармашылық кеште оның сахнадағы әріптестерімен қатар, Алматыдан белгілі театр және кино актерлері де келіп, өздерінің жылы лебіздерін жеткізді.
СНХ: САФУАН ШӘЙМЕРДЕНОВ, ТЕАТР ЖӘНЕ КИНО АКТЕРІ: Жарастың өнеріне келетін болсақ, ол театрдың әртісі ғана емес, киноның да актері.Бұл кинода да, бірталай фильмдерде,сериалдар да толық метражды фильмдерде бой көрсетіп өзінің, жаңағы қандай өнерпаз екенін қандай актер екенін дәлелдеп жүрген азамат.Жалпы ол еңбек ете білетін және діттеген мақсатына жете білетін,сондай қайратты табанды азамат ретінде білемін. Біз бірге оқыдық, бірге жатақханада жаттық, бірге келе жатырмыз.
СНХ: ТӨЛЕУБЕК КӨҢБАЙ, Ш.ҚҰСАЙЫНОВ АТЫНДАҒЫ ОБЛЫСТЫҚ ҚАЗАҚ МУЗЫКАЛЫҚ-ДРАМА ТЕАТРЫНЫҢ АКТЕРІ: Негізі Жарас, осы ең алғаш Көкшетауда театр ашылғаннан бері қарай келе жатқан менің әріптесім. Осы 95 жылы өнер академиясын,ол кезде театр және кино институты, сол Машурова Рахилам апайымыздың курсын бітіріп, осында келіп қазақ театрының ашылуына өз үлесімізді қосқан болатынбыз. Мұратбек Үкібаевич Оспанов екеуі, бұл кісі режиссер болып «Ақан сері-Ақтоқты» спектаклі мен Ғабит Мүсіреповтың шымылдығын ашқан болатұғын. Сол кезде Жарас,Ақанды ойнады 96 жылы 6-наурызда ашылған театрымыз. Сол кезде Көкшеде Жарас, Көкшенің Ақаны болып танылды.
ИНТЕРШУМ:
РКС: Табиғилығы, сахналық сүйкімі, өнер жалыны бар актер кеш барысында көрерменнің алдына Мұқағали Мақатаевтың рөлінде шығып, тағы бір ерекше қырынан көрінді. Қайтпас қайсарлығының арқасында жүзден аса рөлді сомдаған актер, айқын үнімен, өткір мінезімен көзі қырағы көрерменінің сүйіктісіне айналды. Қимылы да шапшаң талантты өнер иесі. Кеш соңында Ақмола облысы әкімінің атынан ықылас гүлі табысталды.
НҰРСӘУЛЕ МҰРАТ, БАУЫРЖАН СМАҒҰЛОВ КӨКШЕ АҚПАРАТ