ДИКТОР: Степногорск қаласы мәдениет, тілдерді дамыту, дене шынықтыру және спорт бөлімі жанындағы Достық және шығармашылық үйі 2005 жылдан бері жұмыс істейді. Мәдениет орталығы түрлі бұқаралық іс-шараны ұйымдастырады. Онда 9 этномәдени бірлестік бар.
РКС: Достық және шығармашылық үйі спорттық және этномәдени бағытында жұмыс істейді:. Әдіскерлер түрлі деңгейдегі спорттық жарысты ұйымдастырады. Этномәдени бірлестіктер қаланың барлық маңызды қоғамдық-саяси шарасына қатысады. Олардың ішінде «Русская община» атты этномәдени бірлестігі де бар.
СНХ: НАДЕЖДА ЛЫСЦОВА, «РУССКАЯ ОБЩИНА» ЭТНОМӘДЕНИ БІРЛЕСТІГІНІҢ ТӨРАҒАСЫ: Бізде «Русская община» қауымдастығында «Дружба» деп аталатын ән және"60+"атты би үйірмесі бар. Сондай-ақ, біз славян тұмарларын, қуыршақтарын жасауға байланысты шеберлік сабақтарын өткіземіз. Концерттер мен жиналыстарға, конференцияларға, фестивальдарға қатысып, жастардан қалыспауға тырысамыз.
РКС: Сондай-ақ, достық пен шығармашылық үйінде өскелең ұрпаққа зор көңіл бөлінеді. Жастар үшін мұнда вокалдық үйірме, актерлік шеберлік студиясы және домбыра үйірмесі тегін жұмыс істейді.
СНХ: ҚОБЛАН КЕНЖИН, ДОСТЫҚ ЖӘНЕ ШЫҒАРМАШЫЛЫҚ ҮЙІНІҢ ДИРЕКТОРЫ: Біздің зал шағын ғана 40 орынға шақталған. Сол себепті үлкен шараларды өткізуге мүмкіндік жоқ. Бірақ біз шараларды Орталық мәдениет сарайында өткіземіз. Биыл Степногорск қаласының 60 жылдығына арналған іс-шара өте көп болды.
РКС: Сондай-ақ, достық және шығармашылық үйінде мүмкіндігі шектеулі жандарға арналған демалыс орталығы жұмыс істейді. 260 шаршы метрлік спорт залы арнайы көп функциялы және электрлік тренажерлармен, жүгіру жолдарымен, реттелетін гантельдермен және үстел теннисі үстелдерімен жабдықталған. Күн сайын кесте бойынша 20-ға жуық адам айналысады. Сонымен қатар, достық және шығармашылық үйінің жанынан жыл соңына дейін демалыс іс-шараларын өткізуге арналған «Достық орталығы» ашылады. 120 адамға шақталған нысанда қазір жөндеу жүргізіліп жатыр.
САБИНА ЖАМШИТОВА, ҚАЙЫРБЕК ТӨЛЕГЕНОВ, ЖҮРСІН ӨМІРЗАҚ, ЖАМБЫЛ БАЛТАЕВ, КӨКШЕ АҚПАРАТ