ДИКТОР: Көкшетауда «Жетістікке апарар жол» атты жастармен кездесу кеші өтті. Шараға Астана қаласы әкімдігінің «Жастар» театрының актерлері қатысты. Кездесу барысында кеш қонақтары беделді кино және театр актерлері Азамат Есқұлов, Жандәулет Батай, Ербол Тілеукенов және Ернар Жұматаев театрдың құрылу тарихына тоқталып, жеткен жетістіктері, қиындығы мен қызығы мол актерлік мамандықтың қыр-сырымен бөлісті.
РКС: Ашық сұхбат түрінде өткен кездесуде жастар да өнер ұжымына театр қоржынындағы репертуарлар, қазіргі қоғамдағы театрдың рөлі, алдағы жоспарларға қатысты сұрақтар қойды. Сондай-ақ өнер ұжымы жастармен актерлік шеберлік пен сахна тілі бағытындағы тәжірибелерімен бөлісті.
ИНТЕРШУМ:
РКС: Ербол Тілеукенов жастар театрында 15 жыл еңбек етіп келеді. Ол Көкшетаудағы Ақан Сері атындағы жоғары мәдениет колледжінің түлегі. Өнер жолын Шахмет Құсайынов атындағы қазақ музыкалық-драма театрында бастаған. Кейін Алматыға белгілі режиссер актер Нұрқанат Жақыпбайдың шеберханасын тәмамдап, «Жастар» театрының ұжымына қосылды.
СНХ:ЕРБОЛ, ТІЛЕУКЕНОВ, ТЕАТР ЖӘНЕ КИНО АКТЕРІ: Осындай іс-шаралар жалпы жастарға керек. Рахмет осындай мүмкіндік бергендеріңізге. Бізді арнайы Астанадан шақыртып, жастарға шабыт беру үшін жасалып жатқан шара ғой.
РКС: Айта кетейік, мұндай шаралар жастарға кәсіптік бағдар беруге, сондай-ақ өнер мен мәдениет саласындағы қызығушылығы мен әлеуетін анықтауға көмектеседі.
СНХ:ЛЕЙЛА ЕСКЕН, «ЖҰЛДЫЗ» ПРОДЮССЕРЛІК ОРТАЛЫҒЫНЫҢ БАСШЫСЫ: Бүгінгі кездесу «Жетістікке апарар жол» деп аталған болатын. Бүгін біз жастар театрының актерларымен танымал кино және театр актерлерімен кездесу өткіздік. Бұл кездесудің мақсаты - жастарға өнер жолындағы тәжірибелерімен бөлісу, жастарға бір өнерге деген қызығушылығы бар жандарға бағыт-бағдар беру, жалпы өнерге баулу.
РКС:Кездесу соңында сахна саңлақтары ән шырқап, жастардың рухын көтеретін кішігірім қойылымдарды сахналап, ұмытылмас әсер қалдырды. Айта кетейік «Жастар» театры Көкшетауға гастрольдік сапармен келер жылдың басында келуді жоспарлап отыр.
ИНТЕРШУМ:
ЖАНАР МҰҚЫШЕВА, ЖҮРСІН ӨМІРЗАҚ, КӨКШЕ АҚПАРАТ