ДИКТОР: Өзбекстанның астанасы Ташкент қаласында каратэден әлем чемпионаты өтті. Байрақты бәсекеде 23 елдің өкілдері бақ сынады. Жерлестеріміз каратэ до-шотокан спорт түрінен ең жақсы нәтиже көрсетті. Каратэшілер екі алтын, алты күміс және 12 қола медаль иеленді.
ИНТЕРШУМ:
РКС: Ақмолалықтар спортшылардың еңбегін жоғары бағалайды және турнир жеңімпаздарын құттықтауға арнайы жиналды. Барлық каратэшілер үшін жекпе-жектер оңай болған жоқ. Бірақ олар қиындыққа қарамастан, жеңіске жетті.
СНХ: АЙЛИН ДҮЙСЕНБАЕВА, СПОРТШЫ: Жарыс алаңында мен жеңіліске де жеңіске де дайын болдым. Бірақ жеңіске жеткім келді. Және ол менің қолымнан келді. Мен Әлем чемпионы атағына ие болдым. Қарсыластарым өте мықты болды, бірақ мен оларды жеңе алдым.
РКС: Айлин Дүйсембаева жас спортшы, бірінші мектептің 6-сыныбында оқиды. Бес жасқа дейін қыз көркем гимнастикаға барды, содан кейін ата-анасынан оны каратэ-до шотокан бөліміне беруді өтінген. 7 жыл жаттығу барысында ол халықаралық аренада жоғары жеңістерге қол жеткізді. Ата-анасы қызын жетістікпен қарсы алуға және құттықтауға келді.
СНХ: ӘСЕТ ДҮЙСЕМБАЕВ, АЙЛИННІҢ ӘКЕСІ: Ол бізге қоңырау шалып, әлем чемпионы атандым деген кезде, бойымды мақтаныш сезімі кернеді. Біздің жаттықтырушыларға, ең алдымен жеке жаттықтырушыға және федерация президентіне, бас жаттықтырушысына алғысымды білдіргім келеді.
РКС: Алан Аманжолов төрт жыл бойы каратэ үйірмесіне қатысып, одан кейін шотоканға ауысқан. Халықаралық алаңда жас спортшы алғаш рет өнер көрсетті. Айта кету керек, спортшының жаттықтырушысы Руслан Дүкембаев.
СНХ: АЛАН АМАНЖОЛОВ, СПОРТШЫ: бұл менің алғашқы чемпионатым және мен 8-9 жас Ката санатындағы алтын медалімді жеңіп алдым. Менің ойымша, бұл менің ең керемет дебютім болды.
РКС: 20-ға жуық каратэші облыс намысын қорғады. Спортшылардың көптігі, дене шынықтыру, психологиялық стресс, осының бәрі қатысушыларға қатты әсер етті, - дейді Руслан Дүкембаев.
СНХ: РУСЛАН ДҮКЕМБАЕВ, ҰЛТТЫҚ КАРАТЭ-ДО ШОТОКАН ФЕДЕРАЦИЯСЫ ОБЛЫСТЫҚ ФИЛИАЛЫНЫҢ ДИРЕКТОРЫ: Өте тартысты бәсекелер болды, өте қиын жарыс өтті, жалпы осы жарысқа мыннан астам спортшы, жиырма үш елден келіп отыр. Осындай бір үлкен жарысқа қатысты. Енді біздің спортшыларымыз намысты қолдаң бермей, осында нәтежеге жетіп отыр.
РЗК: Ұлттық каратэ до-шотокан федерациясы облыстық филиалының директоры төрешілік әлсіз болғанын, кейбір спортшылар ауыр жарақат алғанын атап өтті. Алайда, бұл олардың қазіргі таңда жеткен жетістіктерін толық көрсетуге кедергі болмады.
САБИНА ЖАМШИТОВА, ВЕРОНИКА ЦВЕТКОВА, ЖҮРСІН ӨМІРЗАҚ, КӨКШЕ АҚПАРАТ