ДИКТОР: Шоқан Уәлиханов атындағы Көкшетау университетінің алаңында "digital Aqmola" форумы өтті. Екі күндік іс-шара цифрландыру және ақпараттық технологиялар қызметкерлерінің кәсіби мерекесіне орайластырылған. Форумда өңірдегі IT және жасанды интеллектің дамуы талқыланды. Бірлескен жұмыс туралы қол қойылған меморандумдар қандай іс-шараларға бағытталғанын және марапатқа ие болған сала өкілдері туралы тілшіміз әңгімелейді.
РКС: "Стартаптар аллеясы" форумының қатысушыларымен кездесті. Барлық ниет білдірушілер залда робототехника бойынша IT-мектептер мен жобалардың көрмесімен таныса алды. Әзірлеушілер жұмыстары туралы кеңінен айтып берді. Көкшетаудан келген алтыншы сынып оқушысы Анель Абдрахманова мен оның жетекшілері биыл "Technovation girls"халықаралық байқауына қатысқан. Нәтижесінде егде жастағы адамдарға дәрі-дәрмектерді уақытында қабылдауды еске салатын "PillPal" қосымшасының прототипі пайда болды.
СНХ: АНЕЛЬ ӘБДІРАХМАНОВА - КӨКШЕТАУ ҚАЛАСЫНЫҢ № 6 МЕКТЕП-ЛИЦЕЙІНІҢ ОҚУШЫСЫ: Біз уақытында ескерту жасау үшін "Taifune Alarm" әдісін қолдандық. Сонымен қатар, біз дәріхана картасын қосқымыз келеді. Мысалы, маған мукалтин керек. Сіз мукалтинді енгізесіз, осы дәріханада аталған дәрі бар не жоқ екенін анықтай отырып алуға болады. Біз оны толық аяқтап болған соң, оны App stor және Play Market-ке қосамыз.
РКС: "Digital Aqmola" форумы IT саласына қызығушы 300-ден астам адам жинады. Ақмола облысы цифрландыру және мұрағаттар басқармасының басшысы Нұрбол Өтебаев мамандарды кәсіби мерекелерімен құттықтап, жобаларды іске асыруда табыс тілеп, жыл қорытындысын шығарды. Атап айтқанда, елді мекендер интернетпен қамтамасыз етілуде, ал оқу орындары бейнебақылау жүйелерімен және дабыл белгілерімен жабдықталған. Облыс әкімінің атынан саланың дамуына үлкен үлес қосқан бірқатар қызметкерлер мен мамандар алғыс хаттар алды.
ИНТЕШУМ:
РКС: Форум барысында бірнеше бағыттар бойынша сессиялар мен мастер-кластар өткізілді. Спикерлер жасанды интеллект пен электрондық коммерцияны дамыту, қосымша it-білім беру және бизнесті бастау туралы айтты. Тыңдаушылар "Techno Women" ұйымы мүшелерінің сөз сөйлеуіне ерекше назар аударды. Жергілікті өкілдікті ашу, өңірмен ынтымақтастық және өзара іс-қимыл туралы меморандумға қол қойылды.
СНХ: ГҮЛІМ БЕГАЛИНА - "SMART AQMOLA" МЕКЕМЕСІНІҢ ЖЕТЕКШІСІ: Біз облыста IT әйелдер қауымдастығын да құрамыз. Aqmola Hub арқасында біздің шағын қауымдастығымыз, айтишниктер, хакерлер қозғалысы бар. Бүгін біз бұл салада шынымен дамыған азаматтар бар деп айта аламыз. Қала мен облысты танымал ету, өзін бүкіл елге таныстыру мүмкіндігі бар. Сәттілік, көбірек жобалар және IT саласында ілгерілеу тілеймін.
РКС: Форумның салтанатты жабылуында өткізілген байқаулардың жеңімпаздары марапатталды. "Startup Battle", IT Quiz және "Inform Defence hackathon" жүлдегерлері бағалы және ақшалай сыйлықтарға ие болды.
НҰРСӘУЛЕ МҰРАТ, ЭЛЬМИРА ОСПАНОВА, ПАВЕЛ СОЛОВЬЕВ, ЖҮРСІН ӨМІРЗАҚ, АРДАҚ ТІЛЕУҒАБЫЛОВ, КӨКШЕ АҚПАРАТ.