ДИКТОР: Бүгінгі таңда Есіл аудандық балалар мен жасөспірімдер спорт мектебінде 440 спортшы жаттығу жасайды. Олар спорттың 8 түрімен шұғылданып, шеберліктерін шыңдай түсуде. Жаңа оқу жылынан бастап волейболмен айналысушы ұл-қыздардың саны еселеп артты.
РКС:Аудандық балалар спорт мектебіне жақында ғана директор болып тағайындалған Талғат Ахметжанов - осы салада біраз жылдар табысты қызмет атқарған менеджердің бірі. Сондықтан ол үздік нәтиже беруге мүмкіндігі мол спорт түрлерін дамытуға басымдық беруде. Соның бірі-волейбол. Есіл ауданында ол бұқаралық сипатқа ие. Бұған қоса, волейболдың қыр-сырын мықты меңгерген, жоғары топтарда ойнаған Шыңғыс Тоңбай Ақтөбеден қоныс аударып, жұмысқа бел шеше кірісіп кетті.
СНХ: ШЫҢҒЫС ТОҢБАЙ, БАПКЕР: Есіл өңірінде волейболды жақсы көретін жастар өте көп екен. Оны мен бірден байқадым. Қазіргі таңда бірнеше топқа бөлініп, жаттығу жұмыстарын жүргізіп жатырмыз. Жақында ғана пайдалануға берілген заманауи спорт кешенінде барлық жағдай жасалған. Дайындық үздіксіз жүруде. Алдағы жауапты жарыстарға қатысып, жүлдемен оралуды мақсат етіп қойдық.
РКС:Қырмызы қыздардың да осынау әдемі ойын түріне қызығушылығы зор. Олар жаттығуды босатпай, шеберліктерін жетілдіре түсуде.
STAND-UP: ҚАЛЫМБЕК МҰХАМЕДЖАНОВ, ТІЛШІ: Волейбол алаңында жылдамдықпен жұмыс істеп жатқан қыздарға көз қызығады.
СНХ:САНИЯ СҰЛТАНОВА, ВОЛЕЙБОЛШЫ: Волейбол- топтық ойын. Ол жылдамдықты, шеберлікті арттыруға жол ашады. Жаңа оқу жылында Ақтөбеден арнайы Шыңғыс Тоңбай атты мықты бапкер келді. Ол волейболдың комбинацияларын терең үйретуде. Қыздардың бүгінгі таңдағы волейбол добын игеруі артып келеді.
ИНТЕРШУМ: ойыннан үзінді
СНХ: ОЛЬГА МАЛИНСКАЯ, ВОЛЕЙБОЛШЫ: Мен волейболмен 3 жыл айналысып жүрмін. Бірнеше жарысқа қатысып, тәжірибе жинадым. Жақында жаңа бапкер ағай келді. Жұмыс істеу тәсілі қиын әрі күрделі. Бұл бізге ұнайды.
РКС: Жыл соңына дейін Есіл аудандық балалар мен жасөспірімдер спорт мектебінің волейболшылары бірнеше жарысқа қатысуды жоспарлап отыр. Сол сияқты Арқалық және Қостанай қалаларында өтетін турнирлерге де шақыру алды.
ҚАЛЫМБЕК МҰХАМЕДЖАНОВ, ВАСИЛИЙ ВЕРЕЖНИКОВ. КӨКШЕ АҚПАРАТ