ДИКТОР: Ұлттық Ұланның 5510 әскери бөлімінде қоғамдық тәртіп пен қауіпсіздікті қамтамасыз ету міндеттерін адал атқарғаны үшін әскери қызметшілер марапатталды. Әріптесім Лаура Дәулетбек баяндайды.
ИНТЕРШУМ:
РКС: Марапатталғандардың қатарында Жеңіс Ахметов бар. Ол 5510 әскери бөлімінің кіші сержанты. Жеңіс Төлегенұлы 31 қазаннан 1 қарашаға қараған түні көлік ұрламақшы болған күдіктіні ұстап алып, полиция қызметкерлеріне тапсырды.
СНХ: ЖЕҢІС АХМЕТОВ, 5510 ӘСКЕРИ БӨЛІМІНІҢ КІШІ СЕРЖАНТЫ: Осы айдың 1-і күні таңғы 5-тер шамасында келіншегім оятады біздің автокөлікті біреу оталдырып жатыр деп. Мен жедел терезеден қарасам машинаны шыныменде біреу оталдырып жатыр екен. Мен тездетіп киініп, сыртқа шықтым. Сыртқа шыққаным сол еді машина орнынан қозғалып кетіп қалды. Менің ойымда ештеңе жоқ артынан жүгіре бердім. Ол кісі бір ямаға тоқтатты. Машина өшіп қалды. Ұрлаған кісі дворға қарай қашып кетті. Мен артынан жүгірдім. Барған кезде ол 2-ші машинаны бұзып, тағы да оталдырып жатыр екен. Сол кезде сол кісіні ұстадым. Ойым тек қана сол ұрлықшыны ұстап, полиция қызметкерлеріне тапсыру ғана болды.
РКС: Әскери бөлімнің басшылығы кіші сержант Жеңіс Ахметовқа тапсырманы бұлжытпай орындайтынын алға тартады.
СНХ: СЕРІКБАЙ ЕРТАЕВ, 5510 ӘСКЕРИ БӨЛІМІНІҢ 1 ЖЕКЕ АТҚЫШТАР РОТАСЫНЫҢ КОМАНДИРІ: 2 жылдың ішінде өзін жақсы жағынан көрсетті. Ешқандай ескертулер жауынгерлік қызметке кері әсер ететіндей жағдайлар жасаған жоқ. Және де қойылған тапсырманы нақты орындайтын әскери қызметшілердің бірі деп айтсақ та болады. +скл+Бүгінгі істеген батырлық іс-әрекеті Ұлттық ұланның бүкіл жеке құрамына үлгі-өнеге болатындай іс-әрекет деп айтсақ болады.
РКС: Ал, бұл қатардағы жауынгер Руслан Мусин. Ол Отан алдындағы борышын өтеу үшін Қарағанды облысынан келген. Міне, 1 жыл өте шықты. Санаулы күндерден кейін сарбаз үйіне оралмақ. Борышын өтеу уақытында қырағылық танытқан. Атап айтқанда, 9-шы қазан күні қала көшелерін аралап жүріп, есірткі салынған бума тауып алған. Бірден полиция қызметкерлерін шақырды. Осылайша, ұландық есірткінің одан әрі таралуының жолын кесті. Жауынгер бұған дейін де осы іспетті қылмыстың алдын алған.
СНХ: РУСЛАН МУСИН, САРБАЗ: 23-ші наурызда қызмет барысында біз алғаш рет синтетикалық заттармен айналысқан адамды ұстап алып, жолын кестік. Бұл адамды мен және патруль қызметкері ұстады. Біз полоция қызметкерлеріне дереу хабар беріп, қылмыскерді полиция бөлімшесіне жеткіздік. Келесі оқиға 9 қазан күні болды. Қызмет көрсету барысында біз 243-маршрут бойынша жүрген едік. Қоршауға жабыстырылған синтетикалық затты тауып алдым. Кейін аға патрульге хабарладым. Осыдан кейін жедел топ шақырылып, аталған заттар алынды.
РКС: Аталған әскери қызметшілерге "Қоғамдық тәртіпті сақтағаны үшін" төсбелгіні 5510 әскери бөлімінің полковнигі Берік Тоқтаров жеке құрам алдында табыстады. Сын сағатта батыл қимылдап, ел мен жерді қорғап қалған жауынгерлер көпке үлгі.
ЛАУРА ДӘУЛЕТБЕК, ЖҮРСІН ӨМІРЗАҚ, КӨКШЕ АҚПАРАТ