ДИКТОР: Республика күніне орай Көкшетауда мектеп оқушылары «Жас сақшы» класына қабылданды. Сондай-ақ шара барысында құқық қорғау органдарының қызметкерлерін марапаттау рәсімі өтті. Қызметке батылдық пен адалдық танытқан, сондай-ақ азаматтардың құқықтық тәртібі мен қауіпсіздігін қамтамасыз етуге елеулі үлес қосқан адамдардың еңбегі атап өтілді.
РКС: «Жас сақшы» класына қызметтік міндеттерін атқару кезінде қаза тапқан батыр Ербол Қажымовтың есімі берілді. Аталған сыныпқа қала мектептерінің оқушылары, білім ошағының өміріне белсене қатысатын оқу үздіктері қабылданды. Бұл класта оқушылар терең білім алып, әскери дайындықты да игеріп жатыр.
СНХ: МАГАМЕД ГАЗГИРЕЕВ, ЖАС САҚШЫ: Мен бұл әскери сыныпқа көштім, өйткені мұнда тәртіп бар. Мен әскери дайындықтың қалай өтетінін көріп, сап түзеуді үйрендім. Өзіме жаңа достар таптым. Болашақта полиция қызметкері боламын.
СНХ: ДИНА ЖАНХАЛЕЙ, ЖАС САҚШЫ: Кішкентай болсам да, маған өте ұнайды. Бұл сыныпта мен көптеген достар таптым. Мен өз Отаным, тарихым туралы көп білдім алдым. Сабақта біз Отанымыздың тарихын зерттейміз. Біз әртүрлі технологияларды, математикалық есептерді үйренеміз. Маған мәдениет, тәртіп өте ұнайды. Бұл сыныпта бәрі өте маңызды. Мен мектепті бітірген соң, өскенде полиция қызметкері болғым келеді.
РКС: Полиция полковнигі Ғалымжан Садықов жаңа ашылып жатқан «Жас сақшы» кластарының мақсаты туралы ой бөлісті. Осындай сыныптар жас ұрпақты, талантты және жауапты балаларды тәрбиелеуге көмектесетіні сөзсіз.
СНХ: ҒАЛЫМЖАН САДЫҚОВ, ОБЛЫСТЫҚ ПОЛИЦИЯ ДЕПАРТАМЕНТІНІҢ БАСҚАРМА БАСТЫҒЫ: Биыл Қазақстан Республикасының ішкі істер министрінің бұйрығымен кадр потенциалы жылы болып табылады. Барлық кадрлық жұмысты, идеалогияны көтеру, патриоттық сезімін ояту бойынша қазіргі таңда жақсы жұмыстар жүргізіліп жатыр. Оның бірі бүгінгі бірінші рет мектеп оқушыларына «Жас Сақшы» полицейлер сыныптарын ашып жатырмыз. Олардан салтанатты түрде ант қабылдау жүргізіліп жатыр. Олардың патриоттық сезімін ояту, келешекте Қазақстан Республикасына қызмет ету, құқық қорғау органдарда қызмет атқару деген қызмет бар екенін көрсету.
РКС: Шара барысында тәртіп сақшыларына, жас сақшыларға департамент басшысының Алғыс хаты табысталды. Іс-шара концерттік бағдарламаға ұласты.
ИНТЕРШУМ:
ЕВГЕНИЙ ВАРАНКИН, БАУЫРЖАН СМАҒҰЛОВ, КӨКШЕ АҚПАРАТ