ДИКТОР: Атбасар аудандық мамандандырылған балалар мен жасөспірімдер спорт мектебінің грек рим күресімен айналысушы өрендерінің шеберліктері жыл озған сайын өсіп келеді.
РКС: Балуандық өнерді жанына серік еткен жасөспірімдер жаттықтырушының берген тапсырмасын бұлжытпай орындап әртүрлі жарыстардан олжалы оралуда.
СНХ: ҚАЙЫРЖАН ТІЛЕКТЕСОВ, БАПКЕР: грек рим күресі Атбасар ауданында бірнеше жылдан бері бұқаралық сипат алып келеді. Алысқа бармай-ақ үстіміздегі жылы шәкіртім Намиг Алиев Алматы облысы Қарасай ауылында өткен жасөспірімдер арасындағы Қазақстан Республикасының Чемпионатында қола медаль жеңіп алды. Аңсар Қабдыахметов облыс Чемпионы және Омбы қаласында өткен бүкіл Ресейлік турнирде жүлдегер болды. Өзге де шәкірттерім әртүрлі жарыстарда жүлделі орындардан көрінуде.
ИНТЕРШУМ:
СТЭНД-АП: ҚАЛЫМБЕК МҰХАМЕДЖАНОВ, ТІЛШІ: Бүгін жаттығу залында төменгі топтың балуандары келіп тер төгуде
СНХ: ЖАНДОС ШЫНЫБЕКОВ, БАЛУАН: Мен күреспен 3 жыл бойы айналысып жүрмін.Бапкерім Қайыржан Серікұлы мен грек рим күресінің әр-түрлі әдістерін үйрендім. Соның арқасында аудандық жарыста жеңіске жеттім.
РКС: Тамыз айында Атбасар қаласында Кеңестер Одағының Батыры Ақан Құрманов атындағы Республикалық турнир өтті. Онда жергілікті балуандар 20 медаль жеңіп алды.
ҚАЛЫМБЕК МҰХАМЕДЖАНОВ, МЕДЕТ ҚАЙЫРКЕНОВ, КӨКШЕ АҚПАРАТ