ДИКТОР: Сондай-ақ бүгін Қазақстан Республикасының Жоғары білім қызметкерлері күні. Бұл мереке елімізде алғаш рет аталып өтуде. Ғылым және жоғары білім министрлігі өз құттықтауында жоғары оқу орындары қызметкерлерінің болашағы жарқын қоғамды қалыптастыруға қосқан баға жетпес үлесін атап өтті.
РКС: Дінмұхамед Кенжебек-педагогика ғылымдарының магистрі, қазақстан тарихы және халықаралық тарих пәнінің оқытушысы. Өткенді білу және бүгінді зерттеу – бұл өскелең ұрпақтың болашақта биіктерге жетуге көмектесетін міндеті деп санайды.
СНХ: ДІНМҰХАМЕД КЕНЖЕБЕК, ХАЛЫҚАРАЛЫҚ ҚАТЫНАСТАР, ТАРИХ ЖӘНЕ ӘЛЕУМЕТТІК ЖҰМЫС ЖӨНІНДЕГІ КАФЕДРАСЫНЫҢ ОҚЫТУШЫСЫ: Осы еңбек жолымды және оқуға түсу мақсатында жалпы тарих мамандығы немесе тарихшыларға сабақ беру мақсатында осы 2021 жылы мен магистратураға түсіп, жалпы тарих мамандығы бойынша педагогика ғылымдарының магистрі дәрежесін алып шықтым. Қазіргі таңда еңбек өтілім 4-ші жыл. Яғни менің де әулетімнен педагогтар болды. Мектеп мұғалімдері,университет мұғалімдері деген секілді. Сол кісілердің ізін жалғастырушы ретінде менде педагогика ғылымдарын таңдадым.
РКС: Мұғалім оқушыларға білім беруді өзінің өмірлік ұстанымы деп есептейді. Анель Қажымұраттың ресми түрде студент атанғанына бір айдан сәл ғана асты. Оның айтуынша бойындағы қорқыныш,сабақтар барысында,сабақты қызықты өткізетін мұғалімдердің арқасында сейілген.
СНХ: АНЕЛЬ ҚАЖЫМҰРАТ, СТУДЕНТ: Сабақтар күшті де, қызықты өтеді. Маған Қазақстан тарихының пәні ұнайды, маған бұрыңғы замандарда не болғаны қызық. Дінмұхамед Қанатбекұлын мерекемен шын жүректен құттықтаймын. Жоғары оқу білімнің қызметкерлерді құттықтаймын.
РКС: Университет түлектері үлкен өмірге жолдама алып, қазір мектептерде жұмыс істейді. Маман атап өткендей, жас ұрпақтың дамуы – ұжым мен аға жолдастардың үлесі.
СНХ: ДІНМҰХАМЕД КЕНЖЕБЕК ХАЛЫҚАРАЛЫҚ ҚАТЫНАСТАР, ТАРИХ ЖӘНЕ ӘЛЕУМЕТТІК ЖҰМЫС ЖӨНІНДЕГІ КАФЕДРАСЫНЫҢ ОҚЫТУШЫСЫ: Бүгінгі келіп жеткен мерекемен барша университетте жұмыс жасайтын мамандарды соның ішінде өзіміздің кафедраның мұғалімдерін шын жүректен құттықтаймын! Жұмыстарына табыс,еңбектері жемісті болуына сенімдімін,тілектеспін! Тек қана денсаулық, бақыт,байлық тіледім.
РКС: Қазақстандық университеттер халықаралық рейтингтерде өз позицияларын нығайтуда. Білім беру ісінің қолжетімділігі артып келеді, сондай-ақ жас ғалымдарға қолдау көрсетіледі. Елімізде ғылым мен жоғары білімге ерекше көңіл бөлінуде.
НҰРСӘУЛЕ МҰРАТ, ЭЛЬМИРА ОСПАНОВА, ЖҮРСІН ӨМІРЗАҚ, ӘЛІШЕР ШАКУБАЕВ, КӨКШЕ АҚПАРАТ.