ДИКТОР: Бүгін – Халықаралық қарттар күні. Бұл мереке 1990 жылы 14 желтоқсанда Біріккен Ұлттар Ұйымының Бас Ассамблеясында бекітіліп, жарияланды. Қарттар күні елімізде жыл сайын аталып өтіледі және оның аясында қарттарға құрмет көрсетіліп, түрлі форматтағы іс-шаралар ұйымдастырылады.
STAND-UP: ЖАНАР МҰҚЫШЕВА, ТІЛШІ: «Қарты бар үйдің қазынасы бар». Қарттар күні – егде жастағы адамдардың мемлекет пен қоғам алдындағы еңбегін ерекше құрметтеудің, сондай-ақ қарттарға қолдау көрсету, олардың тұрмысын жақсарту мен өмір сүру ұзақтығын арттыру сияқты мәселелерге назар аударудың символы. Аға буын өкілдерінің өмірлік тәжірибесі мен даналығы баға жетпес құндылық, олардың көптеген жетістіктері – жастарға үлгі. Бүгін облыс әкімі Марат Ахметжанов қазыналы қарияларды мерекемен құттықтап, өмір жолдары мен елі үшін жасаған еңбектерін ұлықтады.
СНХ: МАРАТ АХМЕТЖАНОВ, АҚМОЛА ОБЛЫСЫНЫҢ ӘКІМІ: Баршаңызды осындай халықаралық, үлкен буынға, ағаларға, апаларымызға деген құрмет күнімен құттықтаймын. Үлкен адамдар, ақсақал, аға буыны бар елдердің қазынасы бар дейді. Өйткені сіздердің өмірбаяныңыз, өмір жолдарыңыз, еңбек орындарыңыз бәрі үлгі болып, бүгінгі осы қарқынды дамудың еліміздің, тұрақты дамуына себепкер болған, солардың осы фундаментін құйған сіздерсіздер.
STAND-UP: ЖАНАР МҰҚЫШЕВА, ТІЛШІ: Өңірдің дамуына кезінде зор үлес қосқан ардагерлер де дәл бүгін ұмыт қалған жоқ . Облыс әкімі Марат Ахметжанов еңбек өтілі 40 жылдан асқан, соның ішінде бір салада 10 жылдан астам еселі еңбек еткен, сондай-ақ ең үздік көрсеткіштерімен ерекшеленген қарттарды "Еңбек ардагері" медалімен марапаттады.
СНХ:СЕРІК НЫҒМАТУЛИН, «ЕҢБЕК АРДАГЕРІ» ТӨСБЕЛГІСІНІҢ ИЕГЕРІ: 42 жыл осы қосымша білім саласында істедім. 81-ші жылы мынау Красный Ярда Көкшетау аудандық оқу саласында жұмыс бастадым, бапкер жұмысын, самбо күресінен. Енді міне жаспын де ойлаймын, күшім бар, қуатым бар. Осындай шара жасай берсін. Ветерандарды, мынау ардагерлерімізді ұмытпайық, көмектесейік.
СНХ: ОРАЗКЕН НҰРТАЗИН, ЕРКІН ӘУЕЛБЕКОВ АТЫНДАҒЫ ҚОРДЫҢ ДИРЕКТОРЫ: Міне осындай жиынға мен 4-ші рет қатысып отырмын. Мынау енді бүкіл облыс ардагерлерін бүгінгі мейраммен құттықтаймын. Облыс әкімі Ахметжанов Марат Мұратұлы облыстың жағдайын айтып кетті. Облыстың жағдайы бәрі қанағатты. Бәріміз аман болайық. Егін көп болсын, осындай күн шуақты, аспанымыз ашық болсын.
STAND-UP: ЖАНАР МҰҚЫШЕВА, ТІЛШІ: Мерекелік шара барысында ардагерлер кеңесінің құрметті өкілдері ізгі лебіздерін білдірді. Шара соңы мерекелік концертке ұласты.
ИНТЕРШУМ:
ЖАНАР МҰҚЫШЕВА, ЖҮРСІН ӨМІРЗАҚ КӨКШЕ АҚПАРАТ