ДИКТОР: Облыс әкімі Марат Ахметжанов Бурабай ауданына жұмыс сапары аясында әлеуметтік маңызды нысандарды аралады. Бірінші кезекте өңір басшысы көппәтерлі "TABIGAT" тұрғын үй кешеніндегі құрылыс барысымен танысты.
РКС: Халықтың әлеуметтік осал топтарына арналған 52 пәтерлі тұрғын үй кешенін жылдың соңында тапсыру жоспарланып отыр. Оның құрылысына 800 млн. теңгеге жуық қаржы бөлінген. Облыс әкімі Марат Ахметжанов барлық жұмыстар сапалы орындалуы үшін тиісті бақылау жүргізуді тапсырды.
СНХ:МАРАТ АХМЕТЖАНОВ, АҚМОЛА ОБЛЫСЫНЫҢ ӘКІМІ: Бұл халықтың әлеуметтік осал топтарына арнайы тұрғызылып жатқан тұрғын үй кешені. Сондықтан олар сапалы пәтерлерге қоныстануы керек.
РКС: Одан соң облыс әкімі Бурабай ауылындағы заманауи трансформаторлы қосалқы станцияның жұмысымен танысты. Бұл нысан Бурабай, Оқжетпес ауылдарын және Бурабай ауданының сүт зауытын электр қуатымен қамтамасыз етеді. Осылайша, туристік аймақтың электр энергияға деген тапшылығы жойылмақ.
ИНТЕРШУМ:
РКС: Бұдан әрі өңір басшысы Оқжетпес кентіндегі Burabay Grand Village коттедж қалашығындағы құрылыс барысымен танысты. 60 гектар аумақта 350 жеке тұрғын үй салу жоспарланған. Сонымен қатар, ашық аквапарк, СПА орталық, спорт және балалар ойын алаңдары, қоғамдық 4 саябақ және тамақтану орындарын қамтитын мәдени-ойын-сауық алаңы болады. 2026 жылы қолданысқа беріледі деген жоспар бар.
ИНТЕРШУМ:
РКС: Бұдан бөлек, ауыл жастары үшін Зеленый Бор ауылында облыстық олимпиадалық резервтегі дайындық орталығының спорт кешені ашылды. 4 мың шаршы метр аумақты алып жатқан қос қабатты ғимаратта бассейн, ойын, тренажер және спорт залдары жұмыс істеп тұр. Күн сайын ауылдағы спорт нысанына 170-ке жуық адам келеді. Бокс, еркін күрес, футбол, жүзу, үстел теннисінен спорт секциялары бар. Кешеннің ашылуына орай өңір басшысы ақшалай сертификат табыс етті.
ИНТЕРШУМ:
РКС: Сондай-ақ, Зеленый Бор ауылында 320 орынға шақталған мәдениет үйі халық игілігіне берілді. Мұнда балаларға арналған хореография, вокал, театр үйірмелері бар. 150-ге жуық бала түрлі үйірмеге қатысады. Олар облыстық, халықаралық және республикалық байқауларда түрлі марапатты иеленгендер.
ЖАНАР МҰҚЫШЕВА, ҚАЙЫРБЕК ТӨЛЕГЕНОВ, ПАВЕЛ СОЛОВЬЕВ, ЖАМБЫЛ БАЛТАЕВ, КӨКШЕ АҚПАРАТ