ДИКТОР: Өткен жұма күні Көкшетау қаласының тәуелсіздік алаңымен Көкшетау мәдениет сарайының алдында жерлесіміз Карина Ибрагимованы қолдауға арналған мәдени көпшілік шара өткізілді.
РКС: Облыс орталығындағы тәуелсіздік алаңына Көкшетаулықтармен қатар оның қонақтары да көптеп жиналды. Әсіресе жастар боксшы қызымыз Каринаның шаршы алаңда жасындай жарқырауын асыға күтті. Әр түрлі викториналармен ойындар өткізіліп, ән шырқалып, би биленді.
ИНТЕРШУМ:
СНХ: ИРИНА ИБРАГИМОВА, КАРИНАНЫҢ АНАСЫ: Каринаны қолдауға келген жұртшылыққа айтар алғысым шексіз. Ана ретінде толқып тұрғаным шындық. Олимпиада үлкен сын. Сондықтан қызыма жеңіс тілеймін. Ол шаршы алаңға енді бірер сағаттан кейін барша қазақ халқының қолдауымен шығады.
РКС: Карина Ибрагимованы қолдау шарасын Көкшетау қалалық әкімдігі облыстық спорт басқармасының өкілдері, мәдениет саласының ұжымдары бірлесіп өткізді.
СНХ: АРДАҚ ТӨЛЕНДИН, АҚМОЛА ОБЛЫСТЫҚ ДЕНЕ ШЫНЫҚТЫРУ ЖӘНЕ СПОРТ БАСҚАРМАСЫНЫҢ БАСШЫСЫ: Париж олимпиадасында біздің облыстан Карина Ибрагимовамен Андрей Чугай қатысып жатыр. Бүгін түнгі 11:30да Карина қызымыз шаршы алаңға шығады. Жерлесімізге ел-жұрт болып қолдау көрсетіп жатырмыз. Осы шара Көкшетау мәдениет сарайының алдында жалғасады.
СТЭНДАП-ҚАЛЫМБЕК МҰХАМЕДЖАНОВ: Көкшетау мәдениет сарайының алдына жұртшылық көптеп жиналды. Енді бірер минуттан кейін жерлесіміз Карина Ибрагимова шаршы алаңға шығады.
СНХ: ЖАБАЛ ЕРҒАЛИЕВ: ҚОҒАМ ҚАЙРАТКЕРІ: Карина қызымыз барша қазақ елінің намысын қорғайды. Ал көкшетаулықтар үшін бұл сәт өте қымбат.
РКС: Өкінішке орай, Карина Ибрагимова Пуэрто-Рико боксшысы Эшлиян Лосады Моттыдан ұпай санымен ұтылды.
Жеңіспенен жеңіліс бар өмірде,
Пешенеңе жазылған ол сенің де,
Әміре атаң ән салған паң Париж
Жас үйірді ау Карина жан көзіңе
Мұңаймашы, қамықпашы жыламашы Карина
Алла сенің қуат берсін бойыңа
Қазақ үшін сен жеңімпаз арусың
Мүмкіндік мол от боп лаулап жануға
ҚАЛЫМБЕК МҰХАМЕДЖАНОВ, АЛИШЕР ШАКУБАЕВ, БЕКЖАН ТӨЛЕБЕК, КӨКШЕ АҚПАРАТ