Бірлік пен ынтымақтастық - ортақ құндылық
ДИКТОР: Қазақстанда 130-дан астам этнос өкілі тұрады. Әрқайсысының өзіне тән тілі, мәдениеті мен салт-дәстүрі бар. Дегенмен, оларды ортақ құндылықтар, өзара құрмет пен туған елге деген сүйіспеншілік біріктіреді. Осы бірлікті сақтауда этномәдени бірлестіктердің атқарып отырған ролі қандай? Тілші баяндасын.
РКС: Әр халықтың өз тарихы, ана тілі мен ғасырлар бойы қалыптасқан салт-дәстүрі бар. Оларды көздің қарашығындай сақтап қана қоймай, кейінгі ұрпаққа аманат ету ең басты міндет. Көкшетаулық Расим Хамитов облыстық татар-башқұрт бірлестігінің мүшесі. Ол үшін ұлттық мәдениетті сақтау деген, атадан балаға жалғасқан дәстүрдің үзілмеуіне, халықтың рухани мұрасының жоғалмауына үлес қосу.
СНХ: РАСИМ ХАМИТОВ, ОБЛЫСТЫҚ ТАТАР-БАШҚҰРТ БІРЛЕСТІГІНІҢ МҮШЕСІ: Біздің қоғамдық бірлестік ретіндегі роліміз әлдеқайда ауқымды. Менің ойымша, басты міндетіміз халқымыздың барлық мәдени құндылықтарын сақтап, оны өзгелерге таныстыру. Сондықтан біз өз салт-дәстүріміз бен түрлі іс-шараларымыз арқылы мәдениетімізді дәріптеп, оны басқа этнос өкілдеріне таныстырамыз. Меніңше, өзге мәдениеттерге деген өзара құрметхалқымыздың берік бірлігінің негізі.
РКС: Мерекелер, кездесулер мен концерттер және басқа да іс-шаралар адамдарға бір-бірінің мәдениетін жақынырақ тануға көмектеседі. Осылайша түсіністік пен құрмет арта түседі. Сонымен қатар түрлі этнос өкілдері арасындағы байланыс та нығаяды.
СНХ: ГЕРИХАН ЯНДИЕВ, ОБЛЫСТЫҚ «ВАЙНАХ» ШЕШЕН-ИНГУШ БІРЛЕСТІГІНІҢ ТӨРАҒАСЫ: Бастапқыда біз өз этносымыздың мәдениетін сақтауға және қайта жаңғыртуға баса назар аудардық. Ал қазір халықтың бірлігіне, Қазақстандық патриотизмді нығайтуға және қоғамдағы үйлесімділікті арттыруға көбірек жұмыс істеп жатырмыз. Жалпы алғанда, этномәдени бірлестіктер әрдайым ойшылдар болды және осы жылдар ішінде, айта кету керек, орасан зор әлеует жинақтады. Этномәдени бірлестіктің кез келген белсенді мүшесі, негізінен, керемет ойшыл. Біз үнемі ақпараттық-түсіндіру топтарының құрамында жұмыс істеп, барлық сайлауларға, барлық маңызды іс-шараларға қатысамыз. Этномәдени бірлестіктер, олардың басшылары мен белсенді мүшелері осындай жұмыстарға әрдайым белсенді түрде қатысып, білікті ойшыл ретінде қызмет атқарады.
РКС: Бұл жұмыстың артында үлкен қажырлы еңбек жатыр. Ол шаралар мен кездесулерден ғана тұрмайды. Адамдармен ұдайы диалог құру, қоғамдық бастамаларға қатысу және азаматтарды ортақ құндылықтарға біріктіруге дайын болу сынды ауқымды жұмыстар бар. Этномәдени орталықтардың белсенділері түрлі мәдени өкілдердің арасын жалғайтын алтын көпір іспетті. Олар өзара түсіністік пен келісімді сақтауға ықпал етеді. «Қоғамдық Келісім» мекемесі осындай 50-ге тарта ұйымды біріктіріп отыр.
СНХ: ҚУАНЫШ ШАҚШАҚОВ, «ҚОҒАМДЫҚ КЕЛІСІМ» МЕКЕМЕСІНІҢ БАСШЫСЫ: «Қоғамдық келісім» мекемесінің негізгі қызметі мен басты мақсаты қазақстандық қоғамдағы бірлікті, тұрақтылық пен келісімді қамтамасыз ету. Еліміз бойынша 130-дан астам этнос тату-тәтті өмір сүріп жатыр. Этинкаралық қақтығыстар ешқашан болған емес. Мемлекеттік органдардың, алғашқы қазақстандық қоғамның және біз сияқты ұйымдардың бірлескен іс-қимылының жемісі деп атауға болатын шығар. Қазіргі тұста 45-тен астам әр бағытты қамтитын жобалар жүзеге асырылып жатыр. Оның бәрі жоғарыда аталған мақсаттарды қамтамасыз етіп, соның жемісін көруге бағытталған.
РКС: Бірлік- қарапайым ғана ишарадан басталады. Ең алдымен бір-бірін тыңдай білу, құрметпен қарау. Қазақстанда түрлі этнос өкілдері мәдениеті мен салт-дәстүрін сақтап отырғанын айта кету керек. Олар еліміздің бір бөлшегі.
РИЗАГҮЛ ШӘМЕНОВА, ЛАУРА ФАЙЗУЛЛА, ПАВЕЛ СОЛОВЬЕВ, КӨКШЕ АҚПАРАТ