ДИКТОР: Көкшетауда өткен «Облыстық талантты жастар – 2025» байқауы өз мәресіне жетті. Жас дарындардың басын қосқан бұл шара ерекше мазмұнмен өтті. Байқаудың соңғы кезеңі – «Тапқырлар алаңы» зияткерлік ойыны. Бұл кезең қазақтың көрнекті жазушысы, ақын және драматург Бейімбет Майлиннің 130 жылдық мерейтойына орай ұйымдастырылды.
РКС: Жарысқа 33 құрама қатысты. Ойын 5 кезеңнен тұрды. Алғашқысы – тарихқа байланысты сұрақтар. Екінші кезең – көрнекті жазушы Бейімбет Майлиннің өмірі мен шығармашылығына арналған. Қатысушылар география саласындағы білімдерін саралап, фильмдер әлеміне саяхат жасады. Бесінші кезең – қатысушылардың логикалық ойлау қабілетін анықтауға бағытталды.
СНХ: АЙСҰЛУ МЫРЗАХМЕТОВА, ОБЛЫСТЫҚ ІШКІ САЯСАТ БАСҚАРМАСЫНЫҢ БӨЛІМ БАСШЫСЫ: Жалпы бізде 3-4 кезеңнен тұратын фестиваль. Яғни ән байқауы болды. Екінші күні «Жас қалқан» әскери патриоттық қозғалыс бойынша конкурс өтті. Және бүгін мобилография мен тапқырлар алаңы қорытындылайды. Жүлде қоры 1,5 млн тенгені құрайды. Барлық жеңімпаздар арасында бөлінетін болады. Бұл сайыс жыл сайын дәстүрлі түрде өткізіледі. Жалпы 15 жылға жуық өткізіліп жатыр. Көптеген жастар осы сайысқа қызығушылық білдіреді. Жастарымыз өте дарынды. 100-ге жуық өтінім түсті. Оның ішінде 500 ге жуық жас адам қатысуда. Аталған фестиваль өте жоғары дәрежеде өткізіліп жатыр. Жастарымыз өте дарынды. Өздерін жан жақтан көрсетіп, ән болса да, зияткердік ойын болса да өте жақсы жағынан көрсетіп жатыр.
РКС: Додаға қатысушылар өз білімін, тапқырлығын және шапшаңдығын сынға салды. Жылдам ойлау қабілеті мен жинақылығын көрсетті. Тарихи деректерді терең меңгергенін, әдебиеттен жан-жақты хабардар екенін, логикалық ойлау жүйесінің мықтылығын дәлелдей білді.
РКС: ГҮЛДАНА БЕКБОЛАТ, «OXIOMA» ТОБЫНЫҢ ҚАТЫСУШЫСЫ: Тапқырлар алаңы сайысына Қосшы қаласынан «Аксиома» тобы болып келіп отырмыз. Шапшандық және тез шешім қабылдау секілді біз қабілеттерімізді сынай алдық осы жерде. Осы сайысты Ақмола жастарының барлығын жинап, осындай бір сайыс ұйымдастырғанына өте біз қуаныштымыз. Біз өзімізге сенімділігіміз одан сайын артып осы сайыс жасалып отқанына және де біз осы сайысқа қатысып жатқанымызға өте қатты қуаныштымыз. Бұл біздің тағы да бір есімізге түсіріп, ұлттық құндылықтарымызды тағы да бір еске алуға үлкен мүмкіндік болды.
РКС: ҚАЖЫМҰҚАН ҚОЖАҒАЛИЕВ, «SPACE» ТОБЫНЫҢ ҚАТЫСУШЫСЫ: «Тапқырлар алаңы» ойынының басты мақсаты бұл студенттерді өз білімін ғана емес өткір ойлау, өздерінің көзқарасын дамыта білу мақсатында ұйымдастырылып отыр. жалпы біз Шоқан Уалиханов атындағы Көкшетау университетінің 4 курс студенттері «Space» тобының атынан шығып отырмыз.
ИНТЕРШУМ:
РКС: Байқау қорытындысы бойынша бірінші және үшінші жүлделі орындарды Шоқан Уәлиханов атындағы Көкшетау университетінің «Мейірім» және «Space» командалары қанжығасына байлады. Ал екінші орын Қосшы қаласынан келген «Аксиома» құрамасына бұйырды. Жеңімпаз командалар өздерінің үздік нәтижелері үшін ақшалай сыйақыға ие болды.
ДИНАРА НҰРМҰХАНОВА, ЖҮРСІН ӨМІРЗАҚ, АРДАҚ ТІЛЕУҒАБЫЛОВ, КӨКШЕ АҚПАРАТ