ДИКТОР: Жарқайың ауданында жыл соңына дейін екі тұрғын пайдалануға берілмек. Кезекте тұрған және әлеуметтік осал топтағы 120 отбасы баспаналы болады. Нәтижесінде, азаматтардың тұрмыстық жағдайын жақсарып, тұрғын үй мәселесі шешіледі. Құрылыс жұмыстарының мән-жәйін тілшіміз баяндасын.

РКС: Жарқайың ауданында жалпы алғанда 5 мың шаршы метрден астам тұрғын үй қалпына келтірілуде. Бұл аудан тұрғындарының тұрмыстық жағдайын едәуір жақсартуға мүмкіндік береді. №17 тұрғын үйді қалпына келтіру және ішкі жөндеу жұмыстарына 450 миллион теңгеге жуық қаражат бөлінді. Мердігер тұрғын үй қолданысқа берілуге дайын екендігін жеткізді.

СНХ: ТЕМІРЛАН СЕРІКОВ, МЕРДІГЕР ҰЙЫМНЫҢ ДИРЕКТОРЫ: Оның ішінде 10-3 комнаталы, 10-1 комнаталы және қалған 40-2 комнаталы пәтер. Біздің проектіге кіретін сыртқы құбырлар, 250 метр сыртқы құбырларға дейін тарттық. Одан кейін благоустройство біздің бюджетке, біздің жобаға кірді. Асфальттау жұмыстарын бәрін өзіміздің инвесторлық қаражатқа бітірдік.

STEND-UP: РИЗАГҮЛ ШӘМЕНОВА, ТІЛШІ: Кешегі жабық әскери қалашықтан қалған көп қабатты тұрғын үйлердің қаңқасы ғана. 2008 жылдан бастап көп қабатты тұрғын үйлерді қалпына келтіру жұмыстары қолға алынды. Бүгінде 60 пәтерлі тұрғын үй бой көтерді. Бірі қолданысқа беруге әзір. Екінші көп қабатты тұрғын үйдің құрылыс жұмыстары аяқталған жоқ.

СНХ: МҰХТАР ТАШМАҚОВ, МЕРДІГЕР ҰЙЫМНЫҢ ДИРЕКТОРЫ: Жұмыс түрлері осы маңайды жөндеу, көгалдандыру жұмыстары жүргізіліп жатыр. Ішкі жұмыстар барлығы күнделікті тапсырысымен өтіп жатыр. Бұл жерде қаладан 30 мамандандырылған маман жұмыс істеп жатыр. Барлығы 42 адам. Оның 12 жергілікті тұрғындардан тартылды.

РКС: Келер жылдың наурыз айында тапсырылатын 5 қабатты №19 тұрғын үй, мерзімінен ерте қолданысқа берілуі мүмкін. Келер жылы да құрылыс жұмыстары қарқынды жүрмек.

СНХ: БАУЫРЖАН ЖАМАЛИЕВ, ЖАРҚАЙЫҢ АУДАНДЫҚ ҚҰРЫЛЫС, СӘУЛЕТ ЖӘНЕ ҚАЛАҚҰРЫЛЫСЫ БӨЛІМІНІҢ БАС МАМАНЫ: Осы таңға дейін 9 үй тапсырдық. Үйлер әлеуметтік осал топтағы адамдарға берілді. Осындай қаңыраған 30 шақты үй бар әлі. 2030 жылға дейін. Қазіргі 5 жылдық жоба бойынша біз жыл сайын 2 үйден тапсырамыз деп ойлаймын. Келесі жылдан бастап біз 80 пәтерлі тұрғын үйлердің құрылысын бастаймыз.

РКС: 2008 жылдан бері Державинск қаласында ескі үйлерді қалпына келтіру арқылы 600-ден астам отбасы баспаналы болды. Қазір қалада 350-ге жуық адам пәтер кезегінде тұр.

РИЗАГҮЛ ШӘМЕНОВА, ЖҮРСІН ӨМІРЗАҚ, ЖАМБЫЛ БАЛТАЕВ, КӨКШЕ АҚПАРАТ