ДИКТОР: Конституция күніне орай ауыр атлеттер арасында «Ақбидай» республикалық сегізінші ауыл спорты ойындарына іріктеу кезеңі өтті. Аталған шараға 16 спортшы қатысты. Тілшіміз Евгений Варанкин жалғастырады.
РКС: «Ақбидай» ауыл спорт ойындары — ұлттық дәстүр мен ауыл мәдениетін дәріптеп, бұқаралық спортты дамытуды мақсат еткен ерекше шара. VIII республикалық ойындардың іріктеу кезеңіне облыс әкімі Марат Ахметжанов қатысып, спортшыларға жылы лебізін білдірді.
СНХ: МАРАТ АХМЕТЖАНОВ, АҚМОЛА ОБЛЫСЫНЫҢ ӘКІМІ: Көкшетау елі, Ақмола облысы батырлар мен ақындардың мекені. Осы жерден күш атасы Балуан Шолақтар, Қажымұқандар біздің. Мәлік Ғабдуллин, Сағадат Нұрмағамбетов, Рахымжан Қошқарбаев – бәрі біздің елден шыққан азаматтар. Осындай азаматтардың арқасында еліміздің көк байрағын әрқашанда әрбір додада желбіретіп жүрген, елімізді танытып жүрген азаматтарсыңдар. Сіздерге бүгінгі күні сәттілік тілеймін!
РКС: VII республикалық «Ақ бидай» ауыл спорты ойындары Маңғыстау облысында өтсе, биыл Алматы облысында қыркүйектің 11 мен 21-і аралығында ұйымдастырылады деп жоспарланып отыр. Іріктеу кезеңінде спортшылар 5 түрінен бақ сынасты. 160 келі бөренені көтеру сайыстың ең ауыр түрі болды.
ИНТЕРШУМ:
СНХ: ЖАНАТ МҰҚАШЕВ, КӨРЕРМЕН: Осы мерекелік іс-шараға арнайы келген Астана қаласының тұрғыны, Қажымұқанның ізбасары Арман таспалуан өзінің өнерін көрсетіп жатыр. Өтіп жатқан іс-шарадағы барша қазақтың батырларына тек ғана жеңіс тілеймін. Іріктеуден өтіп, Қазақстан Республикасында өтетін спорттық жарыстарда биіктен көріне беруге тілектеспін. Осы іс-шара арқылы біздің көрермендер, жастарымыз үлгі алып, салауатты өмір салтын қолдап, әрқашан осындай спорттық шараларда көріне беруге тілектеспін.
РКС: Спорттық шараның ерекше қонағы Арман Сүлеймен болды. Ол күш спортының бірнеше бағыты бойынша рекорд иегері, 27 дүркін әлем чемпионы. Пауэрлифтинг, стритлифтинг және армлифтингтен бірнеше алтын медаль жеңіп алған спортшы әлемдік рекордтарды 17 рет жаңартқан. Оның бес рекорды ресми түрде тіркеліп, «Алтын Батыр» атағын иеленген. Бүгінде шәкірттері де бірнеше дүркін әлем чемпионы атанып жүр.
ИНТЕРШУМ:
СНХ: АРМАН СҮЛЕЙМЕН, АРМЛИФТИНГ ПЕН ПАУЭРСПОРТТАН ӘЛЕМ ЧЕМПИОНЫ: Бұл болмаған норматив емес, жасалып жатқан нормативтер. Бөренені Қазақстанның рекорды 12 рет көтерген біздің спортшыларымыз. Бұл деген ұлттық спорт. Ұлттық спортымызды қолдау керек. 6 жыл болды «Толағай» спортына. Бүкіл Қазақстанға жеткізіп, ең қуаныштысы дүниежүзілік «Көшпенділер» ойындарында осы ойын кіргізіліп, Қазақстанның спортшы чемпион болды. Мен де спортшы болғым келді. Әжемнің Қажымұқан, Балуан Шолақтар туралы ертегілерін естіп өскенмін. Маған сол үлкен мотивация болды. Жасым 43-ке келсе де, соған қарамастан әлі жарысып жүрмін.
РКС: Спорттық сайыс қорытындысы бойынша жүлделі 3-ші орынды Біржан сал ауданының спортшысы Мақсат Исатаев және Аршалы ауданынан келген Рустам Зынданұлы иеленді. 2-ші орынды Жарқайың ауданының өкілі Роман Гавазнюк алса, Аршалы ауданынан келген Бекбол Нұрланұлы жеңімпаз атанды.
ЕВГЕНИЙ ВАРАНКИН, САБЫРБЕК ШЕРИЯЗДАНОВ, АЛМАС СӘДУАҚАСОВ, КӨКШЕ АҚПАРАТ