ДИКТОР: Құстардың браконьерлерден зардап шегуі әлі де жалғасуда. Мәселен, өткен жылы Бурабайдағы зообаққа жарақат алған қанаттылар жеткізілген. Олар бүгінге дейін ветеринарлардың бақылауында. Мамандар алаңдаушылық танытып, жануарларға арналған оңалту орталығын құруға ұсыныс жасап отыр. Халықаралық құстар күні, олар біздің табиғатымыздың әрбір бөлшегі қаншалықты маңызды екенін тағы бір мәрте еске салды.
РКС: 2024 жылдың қазан-қараша айларында "Бурабай" ұлттық паркінің қызметкерлері зообаққа екі кликун аққуы мен бұйра бірқазан жеткізді. Олар ұшуға қабілетсіз. Себебі, қанаттарына зақым келтірілген. Оларға ветеринарлық көмек көрсетіліп, құстар қыстайтын торларға орналастырылды. Мұндай жағдайлар жиі қайталанады. Сондықтан ветеринар Ильдар Файзулин жануарларға арналған оңалту орталығын құру қажет дейді.
СНХ: ИЛЬДАР ФАЙЗУЛИН – "БУРАБАЙ ДАМУ" ЖШС ВЕТЕРИНАРЛЫҚ ДӘРІГЕРІ": Бізге жараланған құс, әдетте қыста немесе қанатқа тұра алмайтын жас құс әкелінеді. Қазақстанда жабайы фаунаны оңалту орталығын құру туралы мәселе әлдеқашан пісіп - жетілді, өйткені біздің елімізде тек құстардың 435 түрі мекендейді, олардың 396 түрі ұя салады. Көбінесе оларды жолдар тауып алған тұрғындар әкеледі. Бұл негізінен "Бурабай" мемлекеттік ұлттық табиғи паркі қызметкерлері, орманшылар, аңшылар. Бұл браконьерлердің құрбандары немесе жолда көлік соққандар. Бізде алғашқы медициналық көмек көрсетуге толық жағдай жоқ, яғни үй-жайлар, жабдықтар, қызметкерлер де жоқ. Сондықтан оңалту орталығын құру қажет.
РКС: Бурабай курортының хайуанаттар бағы 1976 жылы ашылған.. Бүгінде мұнда құстардың 10 түрі бар. Барлығы 57. Олардың арасында Қазақстанның Қызыл кітабына кіретіндері де бар. Қыста құс қыстайтын бөлмеде ұсталады. Олар күніне 2 рет қоректендіріледі. Жылдың кез- келген уақытында құстарға күтім жасалуда. Өңірдің табиғатты қорғау мекемелері мен аңшылық шаруашылығы мекемелері құстардың санын бақылау, сондай-ақ оларды қорғау бойынша іс-шаралар жүргізеді.
СНХ: ДІНӘЛІ АЙТҚОЖИН-ОБЛЫСТЫҚ ОРМАН ШАРУАШЫЛЫҒЫ ЖӘНЕ ЖАНУАРЛАР ДҮНИЕСІ АУМАҚТЫҚ ИНСПЕКЦИЯСЫ БӨЛІМІНІҢ БАСШЫСЫ: Браконьерлік құстарға үлкен қауіптердің бірі болып қала береді. Заңсыз аң аулау, тіршілік ету ортасын жою және сирек кездесетін түрлермен сауда жасау құстар популяциясының айтарлықтай төмендеуіне әкелуі мүмкін. Қазақстанда браконьерлік үшін әкімшілік және қылмыстық жауапкершілік қарастырылған. Құқық бұзушылықтың ауырлығына байланысты кінәлі адамдарға айыппұл салынуы мүмкін, ал аса ауыр жағдайларда – бас бостандығынан айыруды қоса алғанда, қылмыстық жазаға тартылуы мүмкін.
РКС: Халықаралық құстар күні - планетаның қауырсынды тұрғындарының проблемаларына қоғамның назарын аударудың тәсілі. Құстардың көптеген түрлерінің жойылуы экологиялық апатқа әкелуі мүмкін. Орнитологтар құстарға қамқорлық көрсетуге және оларды қорғауға шақырады.
НҰРСӘУЛЕ МҰРАТ, ЗАРИНА САПАРҒАЛИЕВА, ВАСИЛИЙ ВЕРЕЖНИКОВ, ЖАМБЫЛ БАЛТАЕВ, КӨКШЕ АҚПАРАТ