ДИКТОР: Ақмола облысы бойынша «AMANAT» партиясының сайлауалды бағдарламасының Жол картасын іске асыру аясында бірқатар шараларды іске асыру жоспарланған. Отырыста соңғы екі жылдағы орындалмаған жобалар мәселесі талқыланды.
РКС: Облыс бойынша жоспарланған 150 шара мен жобалардың 110-ы іске асырылды. Іске асырылмаған жобалардың көбі Есіл, Бурабай және Целиноград аудандарында. Целиноград ауданының Аққайың және Шұбар ауылдарында «Сарыарқа» магистральдық газ құбырын салу шеңберінде газдандыру жұмыстары жүргізілуде. Есіл ауданы бойынша 3 жоба орындалмай қалды. Оның ішінде 45 пәтерлі тұрғын үйдің құрылысы, оған облыстық бюджеттен 387 миллион теңгеден астам қаржы бөлінді. Бурабай кентінің тазарту құрылыстарын салу жұмысының 95 проценті орындалды. Құрылыс материалдарының қымбаттауына байланысты Есіл және Атбасар аудандарында көпір салу жобалары аяқталған жоқ.
СНХ: ЕРНАР ЖАРКЕШОВ, АҚМОЛА ОБЛЫСЫ ӘКІМІНІҢ ОРЫНБАСАРЫ: Орындалған шаралар саны көбірек болуы мүмкін еді. Бірақ бұған былтырғы су тасқынының салдарын жою бойынша қабылданған жедел шаралар әсер етті. Орындалмаған 19 жобаның іске асыру жалғасуда. Шаралардың орындалмағанның негізгі себептері жосықсыз мердігерлерге қатысты сот процестері болды. Республикалық бюджеттен шамамен 6,6 миллиард теңге қаржыландырудың жеткіліксіздігі. Облыстық бюджет тапшылығы және орталық мемлекеттік органдардың жыл сайын республикадан қаржы қаражатымен қамтамасыз етілмеген жаңа нормативтік-құқықтық актілердің қабылдауы.
РКС: «Жол картасын уақтылы және сапалы іске асыру мақсатында облыстық басқармалар басшылары, аудан мен қалалардың әкімдері орындалмаған тапсырмалар мен шараларды қатаң бақылауда ұстауы қажет», - дейді Ернар Жаркешов.
СНХ: ЕРНАР ЖАРКЕШОВ, АҚМОЛА ОБЛЫСЫ ӘКІМІНІҢ ОРЫНБАСАРЫ: Мектеп директорларын мектеп құрылысына тарту өте маңызды. Құрылыс процесінде оның өзі сапаны тексеруі үшін, қандай жұмыстар атқарылуы керектігін мүмкіндігінше талап етуге құқылы болу керек. Кейін жосықсыз мердігерді сотқа беріп жүргенше, құрылысы немесе жөндеу кезінде бақылау жасау қажет. Депутаттардың жергілікті атқарушы органдарға, аудан әкімдеріне көмектесуі де өте маңызды.
РКС: Отырыста аудан әкімдерінің баяндамалары тыңдалды. Орындалмаған шаралардың іске асырылуын қатаң бақылауға алу, сондай-ақ жобалардың аяқталу жағдайын мониторингілеу үшін партия мүшелерінен бастамашыл топ құру ұсынылды.
ЕВГЕНИЙ ВАРАНКИН, ВАСИЛИЙ ВЕРЕЖНИКОВ, АРДАҚ ТІЛЕУҒАБЫЛОВ, КӨКШЕ АҚПАРАТ.