ДИКТОР: Мемлекет басшысының Жарлығымен биыл жұмысшы мамандықтары жылы. Осы мамандардың беделін арттырып қана қоймай, сонымен қатар қауіпсіз еңбек жағдайын жасау маңызды міндет. Бұл үдерістегі басты рөлді техникалық инспекторлар атқарады. Олар еңбек қауіпсіздігі стандарттарының сақталуын қадағалайды және өндірістегі жазатайым оқиғалардың алдын алады. Алтынтау Көкшетау – Қазақстандағы жетекші алтын өндіруші компания. Акционерлік қоғам қауіпсіздік және еңбекті қорғау мәселелеріне ерекше көңіл бөледі. Кәсіпорын бөлімшелері еңбек қауіпсіздігі жағдайын тәулік бойы қадағалайтын 25 техникалық инспекторды сайлады. Техникалық инспекторлар өздеріне бекітілген аумақтарды жүйелі түрде тексеріп, фото және бейнежазбаны қолдану арқылы анықталған ауытқуларды тіркейді. Мәселен, өткен жылы 1573 ауытқу анықталып, оның 1560-ы түзетілген. Қалған 13-і тұрақты бақылауда жұмыс істейді.
СНХ: ӘНУАРБЕК ӘЛЕНОВ, «ALTYNTAU KOKSHETAU» АҚ ҚЫЗМЕТКЕРЛЕРІ БАСТАУЫШ КӘСІПОДАҚ ҰЙЫМЫНЫҢ ТӨРАҒАСЫ: 2021 жылдың шілдесінде техникалық инспекторларға ауытқушылықтарды анықтау кезінде жедел жұмыс істеу үшін кәсіподақ ұйымы қаржысының есебінен смартфондар сатып алынды. Оған OneApp Mobile қосымшасы арқылы «Ауытқуларды басқару» ақпараттық жүйесі енгізілді. Қосымша жедел фото және видео түсіруге мүмкіндік береді. Ол жере проблема түгел көрсетіледі. Оны жауапты тұлғалар жедел алып, қауіпсіздік техникасы бойынша қандай ауытқылура орын алғанын біле алады.