ДИКТОР: Елде ономастика саласында әлі де мәселелер бар. Бурабайда өткен Ұлттық құрылтай отырысында мемлекет басшысы бұл тақырыпқа арнайы тоқталды. Президент ономастикамен тиянақты айналысу керек, тарихи әділдік қағидатын қатаң ұстау қажет деді. Бұл мәселе төңірегінде аймақтарға жалпыұлттық ерекшеліктерге басымдылық берілгені дұрыс.
РКС: Ескіні ескеріп, өшкенді қайта жаңғыртуға қазақ елінің әр азаматы атсалысуы қажет. Бұл тұрғыда таныстық емес, тарихы тереңдегі ұлт болмысы ескерілгені жөн. Аймақта көше,елді-мекен атаулары біртіндеп қазақыланып келеді. Әйтседе ескі атаулар әлі де жетіп артылады.
СНХ: БАҚЫТ СМАҒҰЛ, «БЕЛСЕНДІ ҰЗАҚ ӨМІР» ОРТАЛЫҒЫ ДИРЕКТОРЫ: Бурабайда өткен құрылтайда ел президенті Қасым-Жомарт Тоқаев бір мәселеге назар аударды. Бұл ономастика мәселесі. Мен ойлаймын бұл аса өміршең бір келелі мәселе. Ұлттық мемлекет үшін де бір маңызды,тарихи сондай бір маңызды әңгіменің өзегін айтты. Өйткені мен ойлаймын ол кісі өзінің сөзінде жаңағы ескі тарихи қазақтың атауларын қайтару мәселесіндегі қалыптасып отырған жағдайды да ашып айтты. Оның ішіндегі мынау біздің бүгінгі тәуелсіздік алғаннан бері ел билігінде жүрген азаматтардың өзі кейде қателесіп жататын кездер болатынын айтты. Мен ойлаймын, осының барлығы еліміздегі ономастика мәселесінің әлі де бір түйінге келмей жатқанын көрсетеді.
СНХ: ЕРМЕК НҰҒЫМАН, АҚМОЛА ОБЛЫСЫНЫҢ АРДАГЕРЛЕРІ КЕҢЕСІНІҢ ТӨРАҒАСЫ: Тарихи атауларды қайтару жөніндегі Президенттің айтқаны орынды. Скл бүгін таңертең, кеше кешке маған келе салысымен жерлестер хабарласып жатыр: «бірде-бір рет Щучье деп айтылған жоқ қой, Бурабай деп айтылды, хан ордасы, Абылай ордасы деп айтылып жатыр» деп. Сол мынау Щучье қаласын Абылайхан қаласы деп өзгерту жөнінде пікірлер бар.
РКС: Ұлттық құрылтайда Президент төл тарихымызда ерекше орны бар тұлғалардың бірыңғай тізімін әзірлеуді тапсырды. Елді-мекен атаулары мен жергілікті жердегі маңызы бар тарихи тұлғаларды да ескере отырып, таныс-тамырдың емес, ел тарихын қастерлеуге үлес қосқан тұлғалар есімі қашанда ұлықталуы керек, - дейді тіл жанашыры Бақыт Смағұл.
СНХ: БАҚЫТ СМАҒҰЛ, «БЕЛСЕНДІ ҰЗАҚ ӨМІР» ОРТАЛЫҒЫ ДИРЕКТОРЫ: Сондықтан да алдағы уақытта президенттің айтып кеткен жаңағы осы сөздері арқылы, қазір осы пікірлер арқылы алдағы уақытта ономастика мәселесінде үлкен бір саяси-идеологиялық тұрғыдан үлкен бір бағдарлама жасалу сияқты деп ойлаймын өз басым. Қазір бізде бір тұлғаның айналасында көптеген көшелер беріліп жатады. Себебі бүкіл қалаларда көше бар. Жаңағы елді-мекен атауын беріп жатады. Мұның өзі соңғы жылдары өздеріңіз білесіздер ел бойынша 300 адамның тарихи тұлғалардың атауын беру деген қалғандары берілмесін деген бағдарламаның аясында өрбіген мәселе. Жергілікті жерде маңызы бар тарихи тұлғалар бар. Олар елдік деңгейде көрінбеуі мүмкін. Сондықтан ономастика мәселесінде осындай тұлғаларға да назар аудару керек. Министрлік тұрғысында,жергілікті әкімшілік тұрғысында орындалу керек деп ойлаймын.
РКС: Ел дамуы үшін саяси реформаларды жүзеге асыру аздық етеді. Ұлттық құндылықтарды орнықтырудың алар орны ерек. Сондықтан мемлекет басшысы ескерткендей кез-келген іске ұлт мұрасы тұрғысынан қарау аса маңызды.
НҰРСӘУЛЕ МҰРАТ, ПАВЕЛ СОЛОВЬЕВ,БЕКЖАН ТӨЛЕБЕК КӨКШЕ АҚПАРАТ