ДИКТОР: Облыста 93 мыңнан астам әкімшілік құқық бұзушылықтың жолы кесілді. Биыл алғаш рет еліміздің барлық әкімдіктерде құқық қорғау органдарымен өзара іс-қимыл бойынша құқық бұзушылықтардың алдын алу мәселелері бойынша әкімнің кеңесшісі лауазымы енгізілді. Бейнебақылау жүйесіне, «Зиялы Қауым» жобасына, жұртшылық кеңесіне назар аударылады.
РКС: Өңірде жергілікті атқарушы органдардың қолдауымен үнемі жетілдіріліп, кеңейтіліп отыратын бейнебақылау жүйесі өзінің тиімділігін көрсетіп келеді. Биыл облыста бейнебақылау камераларының көмегімен 130-дан астам қылмыс ашылып, 12 мың 500-ден астам әкімшілік құқық бұзушылықтың жолы кесілді.
СНХ: ДАНИЯР БЕК, ОБЛЫСТЫҚ ПОЛИЦИЯ ДЕПАРТАМЕНТІ БАСТЫҒЫНЫҢ ОРЫНБАСАРЫ: Біз кез-келген қоғамдық тәртіпті бұзу болған жерге бірден шығамыз, бұл тұрақты жағдайды қамтамасыз етуге мүмкіндік береді. Осы жылдың үш айында полиция қызметкерлері 93 мыңнан астам әкімшілік құқық бұзушылықты және 45 мыңнан астам жол қозғалысы ережелерін бұзушылығы анықтап, жолын кесті.
РКС: Былтыр кәмелетке толмағандардың құқықтарын қорғау мақсатында елімізде 35 мыңнан астам заңсыз интернет-ресурс анықталды. Жыл басынан бері Ақмола облысы 105-і табылды. Балалардың құқықтарын қорғау саласындағы заңнама жетілдірілді. «Зиялы Қауым» жобасын іске асыру шеңберінде 138 Қоғамдық кеңес құрылды, оған 840 беделді ауыл тұрғыны кірді. Жергілікті жерлерде учаскелік полиция инспекторларымен бірге ақсақалдар заң бұзушылармен, есепте тұрғандармен, жастармен тәрбие жұмыстарын жүргізуде.
СНХ: ДАНИЯР БЕК, ОБЛЫСТЫҚ ПОЛИЦИЯ ДЕПАРТАМЕНТІ БАСТЫҒЫНЫҢ ОРЫНБАСАРЫ: Отбасылық-тұрмыстық қатынастар саласында 1200-ге жуық құқық бұзушыны жауапкершілікке тарттық. Жасы кәмелетке толмағандардың құқықтарын қорғау мақсатында 105-тен астам заңсыз интернет-ресурстар анықталды. Облысымыздың әр тұрғынын құқық бұзушылықтың кез келген түріне төзбеушілік танытуға, қоғамдағы заң мен тәртіпті мүлтіксіз сақтауға шақырамыз.
РКС: Айта кетейік, былтыр елімізде 13 миллионнан астам әкімшілік құқық бұзушылық және 10 миллионнан астам жол қозғалысы ережелерін бұзу фактісі анықталған. Құқық қорғау органдары әр адам қоғамдағы заң мен тәртіпті сақтау керек екенін айтады.
ЕВГЕНИЙ ВАРАНКИН, ВЕРОНИКА ЦВЕТКОВА, ЖҮРСІН ӨМІРЗАҚ, КӨКШЕ АҚПАРАТ.