ДИКТОР: Облыста мемлекеттік кәсіпорынның бұрынғы бас есепшісіне сот үкімі шықты. Жарқайың аудандық соты әйелді аса ірі көлемде бюджет қаражатын жымқырғаны үшін кінәлі деп таныды. Прокуратураның мәліметінше, тергеу барысында бұрынғы есепшінің 240 миллион теңгені заңсыз иемденгені анықталған. Сот шешімі бойынша оған алты жылға бас бостандығынан айыру жазасы тағайындалды. Әйел жазасын орташа тәртіптегі түзеу мекемесінде өтейтін болады. Сонымен қатар, сот азаматтық талапты қанағаттандырып, келтірілген залалды толық өтеуді міндеттеді. Құқық қорғау органдары атап өткендей, бұл іс мемлекеттік органдардағы сыбайлас жемқорлық пен қаржылық қылмыстарға қарсы жүйелі жұмыстың бір бөлігі. Бюджеттік ұйымдарда қаржылық тәртіпті бақылау шаралары жалғасады.