ДИКТОР: Бүгін халықаралық балалар кітабы күні. Осыған орай орталық қалалық балалар және жасөспірімдер үлгілі кітапханасында "Кітап апталығы- қуаныш пен шаттық" атты апталық басталды.
РКС: Кітап апталығы - жасөспірімдердің кітапқа деген қызығушылықтарын арттырып, балалар әдебиетін кеңінен насихаттауды көздейді. Апталықтың ашылуында ең бірінші мерекенің шығу тарихы мен мәні туралы балаларға мәлімет берілді.
СНХ: БАҚЫТГҮЛ ҒАЛИЕВА, БАЛАЛАР КІТАПХАНАСЫНЫҢ МЕҢГЕРУШІСІ: Біз мектеп оқушыларын, оның ішінде осы Көкшетау қаласының №6 мектебінің оқушылары мен ұстаздарын қонақ ретінде шақырдық және өзіміздің қызметкерлеріміз. Осы іс-шараға қолдау көрсетіп бүгін балаларға үлкен мерекелік бағдарлама дайындадық. Біз оқырмандарымызды осынау үлкен мерекемен шын жүректен құттықтаймыз. Әдеби кейіпкерлердің, жазушылардың, әдеби мұраларымызды насихаттау барысында оқырмандарымызға тек қана жақсылық тілейміз.
РКС: Шара барысында ертегі кейіпкерлері оқырмандарға қызықты ойындар мен арнайы дайындаған сұрақтар қойып, барынша балалардың көңілдерін көтерді. Шараның басты кейіпкері - кітап. Оны сомдаған Саят Жанабай - №13 мектептің оқушысы. Саят балалар және жасөспірімдер кітапханасының тұрақты оқырманы.
СНХ: САЯТ ЖАНАБАЙ, №13 МЕКТЕП ОҚУШЫСЫ: Мен осы шараның басты кейіпкерімін. Іс-шара Балалар кітабы апталығына және Ганс Христиан Андерсеннің туған күніне арналған. Ол "қалайы сарбаз", "Қар ханшайымы", "Ұсқынсыз үйрек"сияқты кітаптардың тамаша авторы
РКС: Мерекелік шара соңында кітапқа деген қызығушылықтарын арттыру мақсатында барлық оқырманға кітапхана қорынан әр түрлі жанрдағы кітаптар ұсынылды. Айта кетейік, бұл кітап апталығы алдағы бір апта бойы оқырмандар арасында жалғасын табады.
СӘНИЯ ЕСІМСЕЙІТОВА, ЖҮРСІН ӨМІРЗАҚ, КӨКШЕ АҚПАРАТ