ДИКТОР: Облыста үш жыл қатарынан «Сыбайлас жемқорлыққа қарсы волонтерлік» жобасы жүзеге асырылуда. Белсенділер мемлекеттік сатып алу порталына мониторинг, сондай-ақ бюджет қаражатының тиімді жұмсалуын қадағалау арқылы қоғамдық бақылауды жүргізіп келеді. Осы уақыт аралығында еріктілер тендерлерден олқылықтар тауып, 800 млн теңгеден астам қаражаттың үнемделуіне себепші болған.
РКС: Волонтерлер құрылыс нысандарын тексеріп, 54 қоғамдық мониторинг жүргізді. Нәтижесінде 5 лауазымды тұлға тәртіптік жауапкершілікке тартылды, 11-ге жуық әкімшілік айыппұл салынды. Үш жыл ішінде еріктілер 1300-ге жуық азаматқа құқықтық көмек көрсетті.
СНХ:АМАНЖОЛ ҚҰСАЙЫНОВ, ОБЛЫСТЫҚ СЫБАЙЛАС ЖЕМҚОРЛЫҚҚА ҚАРСЫ ІС-ҚИМЫЛ ДЕПАРТАМЕНТІНІҢ БАС МАМАНЫ: Бірінші тоқсанда еріктілер 3 қоғамдық мониторинг жүргізді. Бұл мониторинг Көкшетау қаласы мен аудандарға жүргізілді.. Мысалы, мектеп, жол және басқа да әлеуметтік маңызы бар нысандардың құрылысы. Жоба жүзеге асырылғалы 800 млн теңгеден астам қаражат үнемделді. Бірінші тоқсанда бірлесе қарастырылған өтініш бойынша шамамен 212 млн теңге үнемделді.
РКС: Динара Есембаева күн сайын жеке және заңды тұлғалардан түскен өтініштерді қабылдап, тіркейді. Сондай-ақ басқа құқық қорғау органдарынан келіп түскен тексеру материалдарын және аудит актілеріне талдау жүргізеді. Облыстық сыбайлас жемқорлыққа қарсы іс-қимыл департаментінің аса маңызды істер жөніндегі тергеушісі 2014 жылдан бері жұмыс істейді.
СНХ: ДИНАРА ЕСЕМБАЕВА, ОБЛЫСТЫҚ СЫБАЙЛАС ЖЕМҚОРЛЫҚҚА ҚАРСЫ ІС-ҚИМЫЛ ДЕПАРТАМЕНТІНІҢ АСА МАҢЫЗДЫ ІСТЕР ЖӨНІНДЕГІ ТЕРГЕУШІСІ: Қазіргі уақытта азаматтардың құқықтық санасы едәуір өсті және сыбайлас жемқорлыққа төзбеушіліктің тұрақты үрдісі байқалады. Қазіргі ұрпақ заң мен тәртіпті сақтау шеңберінде құқық қорғау органдарымен белсенді өзара іс-қимыл жасауға, сондай-ақ ерікті негізде волонтерлік жобаларға қатысуға дайын. Бұл әрі қарай жұмыс істеуге шабыттандыратын және алға қойылған міндеттерді одан да тиімді шешуге итермелейтін маңызды сәт. Бүгінгі біздің белсенді азаматтық ұстанымымыз - әділ қоғамға жасалған маңызды қадам.
РКС: Былтырдан бастап аса маңызды істер жөніндегі тергеуші екі мыңнан астам өтініш пен шағым қарастырып үлгерді. Сондай-ақ, құқық қорғау органдарынан келіп түскен тексеру материалдарын және аудит актілеріне талдау жүргізді. Соның нәтижесінде бюджетке 400 миллион теңгеден астам қаражат қайтарылды.
ЖАНАР МҰҚЫШЕВА, ВЕРОНИКА ЦВЕТКОВА, КӨКШЕ АҚПАРАТ