ДИКТОР: Ұлттық салт-дәстүр, қазақтың қаймағы бұзылмаған өнер жауһарларын осы күндері ғана емес, жыл он екі ай бойы дәріптеп келе жатқан қазақтың өнерлі отбасылары қаншама?! Отбасында адам бойындағы асыл қасиеттер жарқырай көрініп қалыптасатыны белгілі. Отанға деген сезім, туған-туысқандарына деген ыстық ықылас, өнерге деген құмарлық қалыптасып өресі өрге өрлейтін орта. Дәл осындай өнерлі отбасы туралы тілшіміз баяндайды.
ИНТЕРШУМ:
РКС: Жайбосыновтар - қазақы өнерден өрмек тоқыған, өнердің бастау бұлағынан нәр татып, ұлттық құндылығымызды ұрпаққа дәріптеп отырған отбасы. Өнерім-өмірім деген тума таланттар арнайы музыкалық мамандық иелері болмаса да, еңкейген қартынан еңбектеген баласына дейін әртүрлі және музыкалық аспаптың құлағында ойнайды. Отбасының алған жүлделері де аз емес.
СНХ: НАЗЫМ ЖАЙБОСЫНОВ, АНСАМБЛЬ ЖЕТЕКШІСІ: Осы отбасылық ансамбль құрғанымызға 2 жылдай уақыт болды. Біз бірақ отбасылық ансамбль құрамыз деп ойлаған жоқпыз.ойымызда болған жоқ. Менің үлкен ұлым музыка мектебінде алдымен домбырада оқыған. Сосын тағы екінші ұлым, інімнің қызы домбыра үйірмесіне қатысатын. Сонда домбырада күй ойнап жүріп ардагерлер ансамблінде, онда да күй ойнайды, хорға қатысады. Сосын аяқ астынан 2023 жылы «Ақмола жұлдыздарына» отбасы ансамблін құрып қатыссаңыздар болмайды ма деген Қосшының әкімшілігнен ұсыныс түсті. Содан біз отбасылық ансамбль құрып көрейік деп, өзіміз әртүрлі жерде қатысып,ойнап жүреміз ғой,бір жерге басымызды қостық та бір күйді шығарып көрдік.Сосын сол күймен «Ақмола жұлдыздарына» қатысып, сонда лауреат атандық.Содан біз ары қарай қатыспайтын шығармыз деп ойладық.Бірақ кейін концерттерге шақырып, тағы да «Ақмола жұлдыздары» гала-концертіне шақырды.
РКС: Отбасылық ансамбль ретінде 2023 құрылған. Қазіргі уақытта аталған ансамбльде 8 адам бар. 70 жасар әже - Қосшы қаласының «Замандас» ардагерлер хорында және «Есіл-Нұра» фольклорлық ансамблінде әнші. Отбасылық ансамбльдің ең кіші жауқазындай бүлдіршіні небәрі 4-сыныпта оқиды. Ол бірнеше музыкалық аспаптың құлағында ойнайды.
СНХ:АЙЗЕРЕ ҚАБДЕН, АНСАМБЛЬ МҮШЕСІ: Менің отбасым әртүрлі күй ойнайды.Әдемі күй ойнайды. Мен отбасыда ең кіші қызбын.Мен осы аспапатарда ойнаймын.Мынаның аты шылдырмақ, мынаның аты тоқылдақ.Ал бұл кішкентай шылдырмақ. Осындай отбасыда дүниеге келгеніме қуаныштымын. Осы аспаптарды маған ағам үйретті.Болашақта мен жетіген домбыра ойнаймын.
РКС: Қазақ ауыз әдебиеті мен өнердің інжу-маржандары ұрпақ тәрбиесі және ұлт құндылығын ұлықтаудағы алар орны ерекше. Құрманғазы мен Тәттімбет күйлері мен Шәмшінің бойға қуат берер иірімге толы әуендері кез-келген жанды бей-жай қалдырмайтыны анық.
ИНТЕРШУМ:
НҰРСӘУЛЕ МҰРАТ, МЕДЕТ ҚАЙЫРКЕНОВ, КӨКШЕ АҚПАРАТ