ДИКТОР: Ескі Қалқұтан ауылдық округінде соңғы жылдары жергілікті тұрғындардың әлеуметтік-тұрмыстық жағдайы еселеп артты. Осынау игілікті іс «Ауыл – ел бесігі» бағдарламасының аясында жүзеге асырылуда.
РКС: Оқтай түзу көшелер, әлеуметтік-тұрмыстық нысандар Ескі Қалқұтан ауылына кіре бергенде көңілге қуаныш ұялатады. Кешегі тоқырау кезеңінің келмеске кеткендігін бірден сезінесің. «Ауыз толтырып айтарлық, ауқымды істер мемлекет тарапынан жасалып жатқан қамқорлықтың арқасында», - дейді тұрғындар.
СНХ: ШАМАЙ БАЙМАҒАМБЕТ, АУЫЛ ТҰРҒЫНЫ: Соңғы 3-4 жылда ауылымыз көтеріліп қалды. Су тартылып, әр үйге кіргізілді. Жолдар жөнделіп, асфальт төселді. Жылда су тасқыны болатын өзен тазаланды. Дәрігерлік амбулатория бой көтеріп жатыр.
ИНТЕРШУМ:
РКС: ГАЛИНА БЕЛЯШЕВА, АУЫЛ ТҰРҒЫНЫ: Әрине, қиын жылдар болды. Ол артта қалды. Ауылдық округте жүйелі жұмыс жүргізіліп жатыр. Мәселен, жергілікті серіктестік асхананы жаңартып, ғимараттың бір бөлігінен қонақ үй жасады. Мектебіміз күрделі жөндеуден өтті. Мәдениет ошағы да жұмыс істеп тұр.
РКС: Ауылдық округтағы төрт елдімекенде де жүйелі жұмыстар жүргізілуде. Әр бейсенбі сайын тазалық күн өтеді.
СНХ: ЖАНАТХАН ДӘУЛЕТКЕРЕЙ, ЕСКІ ҚАЛҚҰТАН АУЫЛДЫҚ ОКРУГІНІҢ ӘКІМІ: Біз тұрған көшеде бұдан 2-3 жыл бұрын «Ауыл – ел бесігі» бағдарламасымен асфальт төседік. Тағы да бірнеше көшеде осындай жұмыстар атқарылды. Бұл игілікті іс облыс әкімінің нұсқауымен жүзеге асты. Күрделі жөндеуден өткен жайлы мектебімізде оқушылар сапалы білім алуда. Көшелерді жарықтандыру жұмысы бұдан әрі жалғасады.
РКС: Міне, «Ауыл – ел бесігі» бағдарламасы арқылы жергілікті тұрғындардың әлеуметтік-тұрмыстық жағдайы жақсарып келеді.
ҚАЛЫМБЕК МҰХАМЕТЖАНОВ, САБЫРБЕК ШЕРИЯЗДАНОВ, АЛМАС СӘДУАҚАСОВ, КӨКШЕ АҚПАРАТ.