ДИКТОР: "Ауыл" партиясының облыстық филиалында саяси кеңестің кеңейтілген отырысы өтті. Іс-шара саяси ұйымның құрылғанына 25 жыл толуына орай ұйымдастырылған. Атаулы шараға облыстық мәслихат төрағасы Бейбіт Жүсіпов, ішкі саясат басқармасының және басқа да партиялардың өкілдері шақырылды.
РКС: Отырыс барысында партияның құрылу тарихы туралы айтылды. Ол Әділет министрлігінде 2000-шы жылдың 29-шы наурызында тіркелген. Сол кездегі алғашқы Төраға белгілі қазақстандық ғалым, саясаткер және қоғам қайраткері Ғани Қалиев болған. Бүгін де "Ауыл" партиясы - ТМД кеңістігіндегі ең ірі аграрлық партиялардың бірі. Партия 25 жылдығына орай бірқатар іс-шаралар өткізуді жоспарлап отыр.
СНХ: АНАР АЯПБЕРГЕНОВА, "АУЫЛ" ПАРТИЯСЫ АҚМОЛА ОБЛЫСТЫҚ ФИЛИАЛЫНЫҢ ТӨРАҒАСЫ: Қазіргі сәуір айында бізде шахмат бойынша турнир өткіземіз, үлкен кісілердін арасында деген сияқты. Содан кейін, сәуірдің аяғында біз, мамырдын басында ауылдың балаларына арнайы қазақша күрес бойынша турнир өткіземіз, осы қалада. Және де республикалық денгейде менталды арифметика бойынша бір үлкен іс-шара өткіземіз, ол негізі Зерендіде өтеді.
РКС: Қазақстан Республикасы Парламентінің Мәжілісінде "Ауыл" партиясының 8 депутаттан тұратын фракциясы бар. Қазіргі төраға Серік Егізбаев та сол құрамда. Өңірлік филиалдан 2 партиялық облыстық мәслихатқа, 16 партиялық аудандық мәслихаттарда депутат. Партияның экономикалық стратегиясы елді аграрлық державаға айналдыруға негізделген.
СНХ: СЕРГЕЙ ШВЕЦОВ - "АУЫЛ" ПАРТИЯСЫНЫҢ МҮШЕСІ, БІРЖАН САЛ АУДАНЫ МӘСЛИХАТЫНЫҢ ДЕПУТАТЫ: Біз өсімдік шаруашылығының мәселелері туралы, . өсімдік шаруашылығын ішкі нарықта да, сыртқы нарықта да сату, Қазақстанның ішкі нарығында азық-түлік өнімдерінің құны, сондай-ақ экспорт туралы мәселелерді үнемі көтеріп тұрамыз. Ауылға байланысты негізгі міндеттер мен халық пен атқарушы билік арасындағы ортақ тіл табудың жолын қарастырамыз.. Сондықтан бүгінгі таңда халық арасында бар барлық мәселелерді жан-жақты айтып отырмыз.
РКС: Іс-шара барысында партия мүшелері шақырылған қонақтарға кітаптар сыйласа, олар өз кезегінде партияның облыстық филиалына алғастарын білдіріп, құттықтау хатын табыстады.
ИНТЕРШУМ:
СӘНИЯ ЕСІМСЕЙІТОВА, ҚАЙЫРБЕК ТӨЛЕГЕНОВ, САБЫРБЕК ШЕРИЯЗДАНОВ, АРДАҚ ТІЛЕУҒАБЫЛОВ, КӨКШЕ АҚПАРАТ