ДИКТОР: Көкшетауда өңірге танымал өлкетанушы, шежіреші, тарихшы, Еңбек ардагері Қабыкен Қонқаев Ш. Уәлиханов атындағы Көкшетау университетінің тарих факультетінің студенттерімен кездесті.
РКС: Қабыкен Қонқаев 1943 жылы 5 мамырда Зеренді ауданының Ескене-Жал шағын ауылында дүниеге келген. Өлке тарихына арнаған «Қайранкөл» атты кітабының, сондай-ақ Зерендінің алғашқы тұрғыны Құрман Жүнісов туралы кітаптарының авторы. Тарихшының мерзімді басылым беттеріне жариялаған еңбектері де бар. Зеренді ауданының құрылуына 90 жылдығына орай Мағжан Жұмабаев атындағы облыстық әмбебап ғылыми кітапханасында студенттермен кездесуінде өлкетанудың маңыздылығы мен дамыту деңгейі мәселелері қозғалды. Кездесу жастарға рухани азық беріп, оларды елінің тарихы мен мәдениетіне ерекше көңіл бөлуге ынталандырады.
СНХ: ҚАБЫКЕН ҚОҢҚАЕВ, ӨЛКЕТАНУШЫ: Өлкетану нені тірек қылады. Тарих ғылымдары бар. Соның археология, антропология, нумизматика, сфрагистика, тағы да пәндер бар география деген сияқты. Соларды қолданып, сол арқылы өзінің туған ел-жерін тану керек, білу керек. Сол арқылы өзін отаншыл, елжанды деген сезіну, сенім сана қалыптастыру керек. Абай айтқан ғой – ең бірінші сөз. Сөздің сыртында сана тұрады. Сананың сыртында ақыл-ой тұрады. Соны қалыптастыру үшін, жастарға санасына салмақ түсіріп, соларға әңгімелеп беру – өзімнің парызым деп санадым. Біздің негізгі мақсатымыз – халыққа, жастарға үлгі болу үшін, соларға ақыл айтып, өзінің тарихын ұмытпай, дәстүрін ұмытпай, ана тілін ұмытпай, жұмыстарға араласып, соған қатысып отыру – біздің міндетіміз.