ДИКТОР: Ақмола облысына жұмыс сапарымен еліміздің ғылым және жоғары білім вице-министрі Талғат Ешенқұлов келді. Ол Шоқан Уәлиханов атындағы Көкшетау университеті қабырғасында оқытушылармен және студенттермен кездесті. Басқосуда жоғары оқу орындарында жасанды интеллектті енгізу және "Келешек" білім беру жүйесі жан-жақты талқыланды.

РКС: Білім беру саласының өкілдерімен кездескен Вице-министр Талғат Ешенқұлов Мемлекет басшысының Жолдауда айтылған маңызды бастамаларға тоқталды. Осы мақсатта Үкімет нақты шараларды қолға алып, жұмысты жүйелі түрде қалыптастырып жатыр. Қазіргі таңда еліміздің жоғары оқу орындарында кадр даярлау, ғылымды дамыту және тіл саясатын жаңғырту бағытында кешенді жұмыстар жүргізілуде. Талғат Ешенқұлов жобаның маңызын түсіндіріп, жасанды интеллектті оқыту бағдарламаларына, яғни білім беру жүйесіне енгізілгенін, сондай-ақ отандық IT және тіл мамандарының әлеуеті артып келе жатқанын жеткізді.

СНХ: ТАЛҒАТ ЕШЕНҚҰЛОВ, ҚР ҒЫЛЫМ ЖӘНЕ ЖОҒАРЫ БІЛІМ ВИЦЕ-МИНИСТРІ: "AI-Sana" бағдарламасы жақсы бағдарлама. Ол бізге ең алдымен жасанды интеллектті оқыту мәселесін шешуге көмектесетін барлық білім беру ресурстарын қамтиды. Яғни, бағдарлама жасанды интеллектіні дұрыс пайдалануға үйретеді. Қазіргі уақытта ол бірнеше кезеңнен тұрады. Бастапқы кезең жасанды интеллект негіздерін оқытуды талап етеді. Бүгінгі таңда 600 адам оқытылды. Алдағы уақытта 650 мың адамды оқытуды мақсат етіп отырмыз. Олар жасанды интеллект негіздерін үйренеді.

РКС: Бірқатар жоғары оқу орындарында жасанды интеллект негіздері бойынша арнайы білім беру бағдарламалары енгізілді. Ал 30 университет жасанды интеллект саласына бағытталған инженерлік мамандықтар бойынша тереңдетілген, мамандандырылған оқытуды жүзеге асырмақ.

СНХ: ТАЛҒАТ ЕШЕНҚҰЛОВ, ҚР ҒЫЛЫМ ЖӘНЕ ЖОҒАРЫ БІЛІМ ВИЦЕ-МИНИСТРІ: Одақ бөлек, біз жасанды интеллектіні іске асыру үшін жұмыс істейтін 5 зертхана дайындау міндетін қойдық. Қазіргі уақытта жүзеге асырылды. Ол үшін аймақтық және республикалық университеттерді таңдадық. Бүгінгі таңда біз шетелдік серіктестермен және Қытаймен бірлесіп суперкомпьютер мен жасанды интеллект зертханасын аштық.

РКС: Іс-сапар соңында ғылым және жоғары білім вице-министрі Талғат Ешенқұлов азаматтарды жеке мәселелері бойынша қабылдады. Жергілікті тұрғындардың өтініштерін мұқият тыңдап, қосымша қарастыруды талап ететін мәселелерді жеке бақылауына алды.

ЛАУРА ДӘУЛЕТБЕК, БАУЫРЖАН СМАҒҰЛОВ, ТЕМІРЛАН СӘБИТОВ, КӨКШЕ АҚПАРАТ