ДИКТОР: Ақмола облысы реновация бойынша елімізде көш бастап тұр. Бүгін Конституция күні қарсаңында Көкшетауда 100-ге жуық отбасына пәтер кілті табысталды. Айта кетейік, бұл реновация бағдарламасы аясында Быковский және Вернадский көшелерінде бой көтерген жаңа тұрғын үйлер. Ақмола облысының әкімі Марат Ахметжанов баспана иелеріне салтанатты түрде пәтер кілтін табыстап, қуаныштарына ортақтасып қайтты. Тілшіміз Жанар Мұқышева жалғастырады.
ИНТЕРШУМ:
РКС: Баспаналы болғандардың қатарында Алтыншаш Бекқожанова да бар. Бұған дейін ол 25 жылға жуық апатты үйде тұрып келді. Тозығы жеткен ескі үйдің ішін ылғал басып, жағдайы өте нашар болғанын айтады. Енді жаңа әрі жайлы пәтерге қол жеткізген Алтыншаштың қуанышында шек жоқ.
ИНТЕРШУМ: Марат Ахметжанов пәтер иесінің үйіне кіріп, құттықтады:
-Үйлеріңіз құтты болсын! Балаларыңыз аман сау болып, үлкен азамат болсын. Бұл үйдің сапасы өте жоғары. Комфортное жилье дейміз. Қазіргі таңда Президенттің тапсырмасы бойынша осы салынып жатқан үйлеріміз, сатып алып жатқан үйлеріміз сондай үлкен стандартта.
СНХ: АЛТЫНШАШ БЕКҚОЖАНОВА, ҚАЛА ТҰРҒЫНЫ: Енді міне, Президенттің қалауымен, облыс әкімінің қолдауымен үйдің кілтін алып жатырмыз. Көптен-көп қуаныштымын. Бір жағынан өзім қобалжып тұрмын. Біздің Көкшетауымыз көркейіп жатыр. Алдында ескі үйде тұрғанмын. Ол жерде сырость болды, есі шын айтқанда. Су кіретін. Тышқандар да кіріп кететін. Осы үйді ойламаған жерден алып жатқанымызға қуанып жатырмыз. Немерелерім бар 5-6. Енді осы екі комнаталы үй алып, жошлдасым, балаларыммен осы үйде тұрамыз. Осы үйдек тек бақыт, қуаныш болсын.
РКС: Тозығы жеткен үй мәселесін шешу мақсатында қолға алынған ренновация бағдарламасы былтыр қараша айында басталған еді. 1 жылға жетпей бұл жерде жаңа екі тұрғын үй бой көтерді. Жаңа тұрғын үйлер қазіргі заманның жайлылық пен қауіпсіздік талаптарына сай салынған. Аулалар мен ойын алаңдары да абаттандырылған. Аймақ басшысы Марат Ахметжанов бұл тек баспана мәселесін шешіп қана қоймай, қала сәулетінің келбетін де жаңартуға мүмкіндік беріп отыр,-дейді.
СНХ:МАРАТ АХМЕТЖАНОВ, АҚМОЛА ОБЛЫСЫНЫҢ ӘКІМІ: Реновация тек қана баспанамен қамту емес, қаланың сәулеттендіру, көгалдандыру, абаттандыру мәселесі. Ақмола облысындағы реновацияның ерекшелігі біз 2-3 бағдарламаны қосып жібердік. Біз сол екі бағдарламаны қостық та, ескі үйдің орнына жаңа пәтер салып, 100 пәтер апатты үйде тұрған тұрғындарды көшірдік. Ал жалпы 320 пәтер салынды. Енді 220 пәтерін осал топтарға осы үйден сатып алып береміз, көпбалалы аналарға, жетім балаларға қалған үйді осы жерден алып береміз.
РКС: Айта кетейік, жуырда мемлекет басшысы Қасым-Жомарт Тоқаев аймақ басшысы Марат Ахметжановты қабылдап, өңірдің реновация бағдарламасы арқылы халықтың әлеуметтік осал тобын баспанамен қамтудағы оң тәжірибесін атап өтті. Мәселен, соңғы екі жылда өңірде 5 мыңға жуық отбасы баспаналы болды. Осылайша өңірде кезекте тұрған халықтың әлеуметтік осал тобы санатына жататындар 29 процентке азайған. Бүгінгі қоныс тойы да – соның тағы бір айқын дәлелі. Бұл игі бастама алдағы уақытта да жалғасып, мыңдаған отбасының жағдайын жақсартуға сеп болмақ.
ЖАНАР МҰҚЫШЕВА, МЕДЕТ ҚАЙЫРКЕНОВ, КӨКШЕ АҚПАРАТ