ДИКТОР: Облыстық метрология және техникалық реттеу департаментіне азаматтардан 2 шағым келіп түскен. Олар жергілікті авто жанар-жағар май құю станцияларының бірінде сұйытылған газ бен бензин жеткіліксіз құйылатынына шағымданған. Ведомство басшысы аталған фактіге байланысты жоспардан тыс тексеріс жүргізілгенін мәлімдеді. Егер заңсыздықтар расталатын болса, онда компания жауапкершілікке тартылады. Заңға сәйкес жанар-жағар май құю станциясының өлшеу құралдарын тексеру туралы сертификаты болуы шарт. Заңсыздыққа жол берілсе 230-дан 1600 айлық есептік көрсеткішке дейін айыппұл көзделген. Кез келген азамат жанар-жағар май құю станциясы қызметкерінен сұйық отынды босатпай тұрып тарату бағанының өлшемін талап етуге құқылы.
СНХ: НҰРБЕК ХАБИЕВ, ОБЛЫСТЫҚ МЕТРОЛОГИЯ ЖӘНЕ ТЕХНИКАЛЫҚ РЕТТЕУ ДЕПАРТАМЕНТІНІҢ БАСШЫСЫ: Егер расталған фактілер, яғни жанар-жаайды сатып алғаны туралы түбіртек, фото-бейнематериалдар болса. Жеткіліксіз құйылса, өнмі дұрыс берілмесе онда Әуелбеков көшесі 117-ші мекенжайда орналасқан облыстық метрология және техникалық реттеу департаментіне келуге, немесе 25-57-89 телефонынан хабарласып шағымдануға болады.