ДИКТОР: Мемлекеттік тілді ұлықтау мақсатында "Qazaq lingvo" атты облыстық байқау өтті. Оған Көкшетаудағы орта арнаулы және жоғары оқу орындарының студенттері қатысты.
РКС: Қазақ тілінің мәртебесін арттыру, жастар арасында мемлекеттік тілдің қолданыс аясын кеңейту. Мейлінше көбірек насихаттау байқаудың басты көздегені. Шараға тілге деген сүйіспеншілігін өнермен жеткізген 13 дарынды студент қатысты. Әрқайсысы байқауға ерекше ынтамен дайындалған. Байқаудың шарттары аса қиын емес.
СНХ: ӘСЕМГҮЛ ҚАЗЕЗОВА, ОБЛЫСТЫҚ ІШКІ САЯСАТ БАСҚАРМАСЫ ТІЛДЕРДІ ДАМЫТУ ЖӘНЕ ОНОМАСТИКА БӨЛІМІНІҢ БАС МАМАНЫ: Бүгінгі байқауымыз үш кезеңнен тұрады. Бірінші кезеңде қатысушыларымыз белгілі ақындарымыздың өлеңдерін жатқа оқу керек. Екінші кезеңде алдын ала дайындалған үй тапсырмасы ретінде берілген бейнероликтерді дайындап, біздің басқармаға жолдау керек болды. Үшінші кезеңде өздерінің еркін форматта өнерлерін көрсетеді. Ән айтады, авторлық өлең немесе қазақ тілінің өздерінің дайындаған контентерін көрсетеді.
РКС: Қатысушылардың бірі тілге деген құрметін шабыттанып, авторлық өлеңімен жеткізсе, енді бірі мағыналы контент түсірген. Аружан Ақай Жанайдар Мусин атындағы Көкшетау жоғары қазақ педагогикалық колледжінің студенті. Байқауға қатысқан 13 студенттің ішінен Аружан үздік деп танылды.
СНХ: АРУЖАН АҚАЙ, Ж. МУСИН АТЫНДАҒЫ КӨКШЕТАУ ЖОҒАРЫ ҚАЗАҚ ПЕДАГОГИКАЛЫҚ КОЛЛЕДЖІНІҢ СТУДЕНТІ: Бүгінгі өтіп жатқан іс-шара жоғары деңгейде өтті десем болады. Өзім бірінші орын аламын деп ойлаған жоқпын. Бірақ та бұйырып тұр. Ендігі кезекте осы байқауды ұйымдастырып жатқан жетекшілеріме алғысымды білдіремін. Ұрпаққа ана тілін дәріптеуге мүмкіндік бергендеріне алғыс білдіремін.
РКС: Екінші орынды да Жанайдар Мусин атындағы Көкшетау жоғары қазақ педагогикалық колледжінің студенті Жұлдыз Дәулетбек иеленді. Ал Шоқан Уәлиханов атындағы Көкшетау университетінің студенті Бұлбұл Төлеуханқызы үшінші орынға лайық деп танылды. Үш жүлдегер байқаудың арнайы дипломымен марапатталып, бағалы сыйлық табыс етілді. Ал сайысқа қатысқан өзге қатысушылар Алғыс хаттармен және ынталандыру сыйлықтарымен марапатталды.
СӘНИЯ ЕСІМСЕЙІТОВА, ЖҮРСІН ӨМІРЗАҚ, КӨКШЕ АҚПАРАТ.