ДИКТОР: Елде мопедтерді тіркеу мерзімі 5 сәуірде аяқталады. Естеріңізге сала кетейік, Қазақстанда бұл қозғалыс тәсілі ресми түрде механикалық көлік құралдарына теңестірілді. Енді заң нормалары мопед иелеріне мемлекеттік нөмір мен жүргізуші куәлігін алуды міндеттейді. Бұл жаңашылдық 5 сәуірден бастап күшіне енеді.
РКС: Мопедті тіркеу үшін тұрғындар тұрғылықты жері бойынша арнайы халыққа қызмет көрсету орталығына жүгінеді. Көлік құралының жеке куәлігі мен техникалық сипаттамасын ұсыну қажет. Сондай-ақ, полицияда тіркелу, азаматтық жауапкершілікті сақтандыру, техникалық байқаудан өту және мемлекеттік бажды төлеу қажет болады. Тұрғындардың айтуынша, қажетті құжаттарды жинауға орта есеппен бір аптаға жуық уақыт кеткен.
СНХ: ЕРЖҮРЕК ДОЛДАХАН, ЗЕРЕНДІ АУДАНЫНЫҢ ТҰРҒЫНЫ: Мопедке осылай права жасап істедік жақын арада. Көп негізі уақыт алмайды. Бір сағаттай, сол. Бәрі дайын болса осындай Қазақстандық нөмерін беріледі. Мопедке А-1 категориясы керек болады немесе А категориясы. Қубка байланысты ғой. Қанша куб болады. Менде негізі 50 куб. Соған байланысты бірден тезірек шешілді мәселені. Міне бүгін келіп отырмын. Алдым қолыма. Енді курьер үшін негізі керекті заң. Қала бойынша. Менің ойымша, енді басқа бойынша, ауылдарға да. Ол транспорт, негізі. Тіркелген дұрыс деп ойлаймын. Өйткені қанша мопедтер бар деген сияқты. Енді заң бір жағынан дұрыс деп ойлаймын енді. Порядок потому что болады. Қазір несовереннолетнийдар жүреді дегендей.Олар түсінбейді жанағы ДТП создавать етеді деген сияқты. Негізі дұрыс деп ойлаймын, қолдаймын.
РКС: Ішкі істер министрлігінің мәліметтері бойынша, қазіргі уақытта елде 18 мыңнан аса мопед тіркелген. Ақмола облысында мұндай көлік құралы айтарлықтай сұранысқа ие емес. Алайда, қазірдің өзінде 1 мыңнан аса жүргізуші мопедтерін тіркеген.
СНХ: САЙРАН ЖҮКЕБАЕВ, ОБЛЫСТЫҚ ПОЛИЦИЯ ДЕПАРТАМЕНТІ ПРОЦЕССИНГ ОРТАЛЫҒЫНЫҢ БАСТЫҒЫ: Дәлірек айтсақ, "жол қозғалысы туралы Заңға" енгізілген өзгерістерге байланысты ағымдағы жылдың 5 сәуірінен бастап мопедте тек тіркелген және А, А-1 және Б. санатындағы жүргізуші куәлігі бар адамдар ғана қозғалатын болады,.Сондықтан біз мопедтері бар ақмолалықтарды белгіленген тәртіппен тіркеуді сұраймыз. Ертең әкімшілік бұзушылықтардың алдын-алу үшін.
РКС: Белгіленген тәртіппен тіркелмеген мопедтер 5 сәуірден бастап мамандандырылған тұраққа орналастырылады. Олардың иелері Қазақстан Республикасының әкімшілік заңнамасына сәйкес жауапты болады. Айта кетейік, инновация барлық мопедтерге, соның ішінде максималды құрылымдық жылдамдығы сағатына 50 шақырымнан аспайтындарға қатысты.
НҰРСӘУЛЕ МҰРАТ, ЭЛЬМИРА ОСПАНОВА, ЖҮРСІН ӨМІРЗАҚ, АРДАҚ ТІЛЕУҒАБЫЛОВ, КӨКШЕ АҚПАРАТ.