ДИКТОР: Қосшы қаласында "Таза Қазақстан" республикалық экологиялық акциясы аясында ауқымды сенбілік өтті. Бастаманы 250-ге жуық қатысушы қолдады. Олардың қатарында қалалық мәслихат депутаттары, "Amanat" партиясының өкілдері, еріктілер, коммуналдық қызмет қызметкерлері, жастар ресурстық орталығының белсенділері, тұрғындар бар.
РКС: Ашылу салтанатынан кейін экоакцияға қатысушылар шағын аудан аумағын тазалауға кірісті. Жұмыс аллеядан басталды. Сарқырама өзенінің жағалау аймағын, тарихи-мәдени нысандар мен ойын алаңдарын тазалауға ерекше көңіл бөлінді.
СНХ: ЖАЙНАР БАЙБОЛАТҚЫЗЫ – ҚОСШЫ ҚАЛАСЫНЫҢ ТҰРҒЫНЫ: Мен неге қатысып жатырмын? Cебебі мен, осы жақта тұрамын. Мен жан-жағым таза болғанын қалаймын, сондықтан мен қатысып жатырмын. Қала таза болу керек. Өзіміздің тұрып жатқан жеріміз, тазалықты өзімізден бастау керекпіз.
СНХ: ИРИНА ОСИПОВА - ҚОСШЫ ҚАЛАЛЫҚ МӘСЛИХАТ ДЕПУТАТЫ: Біздің қаламызда әрқашан "Таза Қазақстан" экологиялық акциялары өткізіледі. Біз белсенді қатысамыз. Өздеріңіз білетіндей мемлекеттік органдарымыздың өкілдері, жеке сектор, бизнес тұрғындары ғана емес, сондай-ақ мұнда жастарымыз бар екенін көріп тұрған шығарсыздар.Бұл "Жасыл ел" ұйымы. Олар демалыс кезінде қаламызда жазғы уақытта және демалыс кездерінде қосымша ақша табуға мүмкіндік бар. Экологияға өз үлестерін қосып жатыр.
РКС: Шағын аудан аумағын жинау үшін 10-нан астам техника жұмылдырылды. Қатысушыларға күрек пен кетпен берілді.
СНХ: АЗАМАТ ҚАПЫШЕВ - ҚОСШЫ ҚАЛАСЫНЫҢ ӘКІМІ: Біздің қаламызда Қазақстан Республикасы Президентінің арнайы тапсырмасымен ұйымдастырылған осындай манызды іс-шара өтуде. «Таза Қазақстан» экоакциясы ол негізі қоршаған ортаны қорғау, қаламызды тазарту. Сол мақсатка бағытталған игі бастама. Осы «Таза Қазақстан» акциясы негізі мынау біздің қаламыздың көркеюіне, мынау тұрғындарымыздың жауапкершілігін арттыруға септігін тигізеді деп ойлаймын.
РКС: Мұндай іс-шаралар Қосшыда жиі өткізіліп тұрады. Әр апта сайын "Таза бейсенбі" және "Таза Қазақстан" бастамалары аясында жанашыр азаматтар қаланың тазалығын назарда ұстап келеді.
НҰРСӘУЛЕ МҰРАТ, ҚАЙЫРБЕК ТӨЛЕГЕНОВ, ПАВЕЛ СОЛОВЬЕВ, КӨКШЕ АҚПАРАТ.