ДИКТОР: Астанадағы Тәуелсіздік сарайында мәслихаттармен өзара іс-қимыл жөніндегі кеңестің кеңейтілген отырысы өтті. Шара барысында мемлекеттік және жергілікті өзін-өзі басқару жүйесіндегі мәслихаттардың рөлі талқыланды. Жиналысқа Парламент және мәслихат депутаттары, Үкімет мүшелері, орталық және жергілікті атқарушы органдардың, халықаралық ұйымдардың, академиялық, сараптамалық және азаматтық қоғамдастықтың өкілдері қатысты.
РКС: Сессияларда қатысушылар Мемлекет басшысының мәслихат депутаттарының II-ші республикалық форумы барысында және Ұлттық құрылтайдың IV отырысында қойылған міндеттерін талқылады. Қазақстандықтардың мүддесін мәслихаттардың 3300-ден астам депутаты білдіреді. Халық қалаулылары мемлекет пен халық арасындағы байланысты нығайтуда, - деп атап өтті Сенат спикері Мәулен Әшімбаев.
СНХ: МӘУЛЕН ӘШІМБАЕВ, ҚР ПАРЛАМЕНТІ СЕНАТЫНЫҢ ТӨРАҒАСЫ: Мемлекет басшысы қолға алған соңғы саяси реформалардың арқасында осы жылдарда мəслихаттардың рөлі айтарлықтай нығайды. Бұл өзгерістер «Күшті Президент – Ықпалды Парламент – Есеп беретін Үкімет» атты мемлекеттік құрылыстың жаңа формуласына сəйкес жүзеге асырылды. Президентіміз Қасым-Жомарт Кемелұлы Тоқаев мызғымайтын осы үш тағанның тағы бір белгісі – жауапты жергілікті басқару екенін талай мəрте айтқан болатын. Сондықтан аталған қағидат аясында мəслихаттарға маңызды міндет жүктелетіні сөзсіз. 2022 жылғы конституциялық реформалардың аясында мəслихаттардың дербестігін нығайту арналған жүйелі шаралар қабылданды.
РКС: Мәулен Әшімбаев бірқатар басым бағыттарды атап өтті. Мәслихаттардың қолайлы инвестициялық жағдай жасауға және қоғамның әлеуметтік әл-ауқатын қалыптастыруға белсенді қатысуы негізгі мақсаттардың қатарында. Халық қалаулылары елде болып жатқан саяси реформаларда маңызды роль атқарады. Қойылған мақсаттарға жету қажырлы еңбегін талап етеді. Жергілікті мәслихаттар қоғам бірігуінің жергілікті орталығы болуға тиіс.
СНХ: БЕЙБІТ ЖҮСІПОВ, АҚМОЛА ОБЛЫСТЫҚ МӘСЛИХАТЫНЫҢ ТӨРАҒАСЫ: Былтырғы жылы ел президенті мәслихаттардың барлық өкілдер қатысқан форумда тапсырған тапсырмалардың негізінде соның жалғасы деп ойлаймын бүгінгі күні. Қазақстан Республикасының парламенті сенатының жанында осыдан екі жыл бұрын жергілікті өзін-өзі басқару өкілді органдар деп мәслихаттармен бірге іс-қимыл жасау үшін кеңес құрылған болатын. Бүгінгі таңда осы екі күндік шараға жалғыз ғана облыстық мәслихаттардың төрағалары емес, барлық Қазақстан республикасы бойынша қалалар мен аудандардың мәслихат төрағалары қатысып отыр. Бүгінгі таңда жергілікті жердегі істелініп жатқан шаралар президенттің берген тапсырмаларын орындау барысы бәрін қадағалайды біздің депутаттық корпус. Соларға үлкен ел аманат жасап отыр. Бүгінгі іс-шарада үкімет мүшелері қатысты. Қаншама сұрақ қойылды. Өзекті сұрақтар – ауылдық жерді көркейту, жаңғырту, су мәселесі, киік мәселесі көтерілді. Шаруаларды қолдау мәселесі көтеріліп жатыр. Солардың бәріне тура сұрақ қойып, тура жауап алынып жатыр. Осындай іс-шаралардың өтуі, меніңше үлкен бір бастаманың басы, оның әрі қарай жалғасын табады деп ойлаймын.
РКС: Соңғы жылдары Парламент мәслихаттардың белсенді қатысуымен өңірлердің мәселелерін шешуге бағытталған бірқатар заңдар қабылдаған. Тиімді ынтымақтастықты жалғастыру үшін депутаттар құзыреттілік деңгейін жоспарлы түрде арттыруы қажет. Қоғамдық диалогты тиімді жүргізіп, халықты сендіру керек. Мәслихаттар елдің жалпыұлттық міндеттеріне қатысып, оның экономикалық саясатының тең авторлары болуға тиіс. Олар бюджетті бекітіп қана қоймай, оның орындалуын да қадағалау керек.
ЕВГЕНИЙ ВАРАНКИН, ЭЛМИРА ОСПАНОВА, АЛМАС СӘДУАҚАСОВ, КӨКШЕ АҚПАРАТ.